திரையிசையில் இராகங்கள் - மத்யமாவதி

திரையிசையில் இராகங்கள் தொடரில் நாம் அடுத்ததாகப் பார்க்கப்போவது மத்யமாவதி இராகம். இது மங்களகரமான இராகமாக அறியப்படுகிறது.   22ஆம் மேளகர்த்தா இராகமான கரகரப்ரியா இராகத்திலிருந்து பிறக்கும் ஜன்ய இராகம் இது. கடந்த சில வாரங்களாக நாம் பார்த்த மோகனம், ஹிந்தோளம் இராகங்களைப் போலவே இது ஐந்து ஸ்வரங்களை மாத்திரமே கொண்ட ஔடவ இராகமாகும். இந்த இராகத்தின் ஏறு/இறங்கு வரிசைகள் :

ஆரோகணம் : ஸ ரி2 ம1 ப நி2 ஸ
அவரோகணம் : ஸ நி2 ப ம1 ரி2 ஸ
Continue reading "திரையிசையில் இராகங்கள் - மத்யமாவதி"

திரையிசையில் இராகங்கள் - ஹிந்தோளம்

ஹிந்தோளம் கச்சேரிகளில் மிகப் பரவலாகப் பாடப்படும் மற்றொரு இராகம். இதுவும் மோகனத்தைப் போலவே ஐந்து ஸ்வரங்களை மாத்திரமே கொண்ட ஔடவ இராகமாகும். இதன் ஸ்வரங்கள் பின்வருமாறு;

ஆரோகணம்: ஸ க2 ம1 த1 நி2 ஸ
அவரோகணம்: ஸ நி2 த1 ம1 க2 ஸ

Continue reading "திரையிசையில் இராகங்கள் - ஹிந்தோளம்"

திரையிசையில் இராகங்கள் - மோகனம்

மோகனம் திரையிசையில் மிகப் பரவலாகக் கையாளப்படும் இராகங்களுள் ஒன்று. இது மேளகர்த்தா இராகமான ஹரிகாம்போதியிலிருந்து பிறக்கும் இராகமாகும்.  சென்ற முறை மாயாமாளவ கௌவ்ளையைப் பற்றிச் சொல்லும்பொழுது அது ஏழு ஸ்வரங்களையும் ஏறு-இறங்கு முகங்களில் (ஆரோகண அவரோகணத்தில்) கொண்டது என்று சொன்னோம். அப்படிப்பட்ட இராகங்களுக்கு சம்பூர்ணராகம் என்று பெயர். மோகனம் ஐந்து ஸ்வரங்களை மாத்திரமே கொண்டது. ஐந்து ஸ்வரங்களைக்கொண்ட இராகங்களை ஔடவ இராகம் என்று அழைப்பார்கள்.

ஆரோகணம்: ஸ ரி2 க3 ப த2 ஸ
அவரோகணம்: ஸ த2 ப க3 ரி2 ஸ

மோகனத்தின் வடிவத்தைப் பாடுகிறார் திரையிசைப் பாடகி கே. சித்ரா.

[audio:http://domesticatedonion.net/tamil/wp-content/uploads/2010/01/mohanam_swaram.mp3|titles=mohanam_swaram]

மோகனம் ஹிந்துஸ்தானி பாரம்பரியத்தில் ராக் தூப் என்று அழைக்கப்படுகிறது.  எந்த வேளைகளிலும் பாடுவதற்கு ஏற்றது மோகன இராகம். Continue reading "திரையிசையில் இராகங்கள் - மோகனம்"

திரையில் கர்நாடக இசை இராகங்கள்

நண்பர்களுக்கு இனிய புத்தாண்டு வாழ்த்துகள்.

புது வருடத்தில் என்னுடைய வானொலி நிகழ்ச்சியில் புதிதாக கர்நாடக இசையின் அடிப்படையிலமைந்த திரைப்பாடல்களை வாரந்தோறும் வழங்கவிருக்கிறேன். சென்ற வருடத்தின் இறுதியில் தமிழ்த் திரையிசையில் ஜாஸ் வடிவம் என்ற தொடரை நிறைவு செய்தேன். பதினெட்டு பாகங்களாக ஒலிபரப்பப்பட்ட இந்தத் தொடர் ஏற்கனவே நான் வலைப்பதிவில் எழுதியவற்றைச் சற்றே விரிவுபடுத்தி வழங்கப்பட்டது. ஜாஸ் இசையைப் பற்றி நம்மவர்களுக்கு அதிகம் பரிச்சயமிருக்காது என்ற காரணத்தால் நிறைய விளக்கங்களையும் ஒன்று அல்லது அதிகபட்சமாக இரண்டு பாடல்களை மட்டுமே ஒவ்வொரு பகுதியிலும் வழங்கினேன். இம்முறை மாறாக அதிகம் பாடல்களையும் மிகக் குறைந்த அளவில் இசைக்குறிப்புகளையும் விளக்கங்களையும் தரவிருக்கிறேன். இதற்கு இன்னொரு (முக்கிய) காரணமும் உண்டு. நான் கர்நாடக இசையை முறையாகக் கற்கவில்லை. எனவே இதைப் பற்றி அதிகம் பேச என்னிடம் சரக்கில்லை. எனவே நிகழ்ச்சியில் பேச்சைக் குறைத்துக் கொண்டு பாடல்களை அதிகம் தரவிருக்கிறேன்.

இப்படிச் சொல்வதால் நான் ஜாஸ் இசையை முறையாகக் கற்றுக்கொண்டவன் என்றோ அல்லது அதில் கரைகண்டவன் எனவே அதிகம் பேசினேன் என்றோ அர்த்தமில்லை.  ஒரு பழைய படத்தில் சோவை நாகேஷ் "நீ அமெரிக்கா போயிருக்கிறாயா?" என்று கேட்பார். உடனே சோ "நீ போயிருக்கிறாயா?" என்று திருப்பிப் கேட்பார். நாகேஷ் இல்லை என்று சொல்ல உடனே அடுத்த நொடியில் "அப்ப நான் போயிருக்கேன்" என்பார்.  இதைப் போலத்தான் இங்கே மற்றவர்களுக்கு ஜாஸ் அடிப்படைகளைப் பற்றியோ, வரலாறோ தெரியாது என்பதால் நானே ஆலையில்லா ஊரூக்கான இலுப்பைப்பூ சர்க்கரையானேன்.  மற்றபடி இங்கே கர்நாடக இசையில் கரைகண்ட நண்பர்கள் நிறைய இருக்க அடக்கி வாசிப்பது நல்லது.

நான் ஐஐஎஸ்ஸியில் படிக்கும்பொழுது கற்றுக் கொள்வதில் ஒரு புதிய உத்தியைக் கைகொள்ளத் தொடங்கினேன். ஏதாவது ஒன்று நமக்குத் தெரியாது ஆனால் கற்றுக் கொள்ள விருப்பம் இருக்கிறது அல்லது அவசியம் கற்றுக் கொண்டாக வேண்டும் என்று வந்தால் உடனடியாக அதை மற்றவர்களுக்குச் சொல்லிக் கொடுப்பதாக அறிவித்துவிடுவேன்.  இது முதன் முதல் நான் ஆராய்ச்சிக்கு மேற்கொண்ட  Nonlinear Optics என்ற துறையில் தொடங்கியது. ஆய்வகத்தில் முதல் வருட மாணவனாக இருந்த நான் என் பேராசிரியர், ஐந்தாம் வருட மூத்தவர், இன்னும் பி.ஹெச்.டி முடித்து ரிசர்ச் அசோஸியேட்டாக இருந்தவர் எல்லாரையும் சனிக்கிழமைகளில் உட்கார வைத்து பாடம் எடுத்தேன். (காரணம் என்னைப் போலவே இவர்களும் அப்பொழுதுதான் முதன்முறையாகக் கற்றுக் கொள்ளத் தொடங்கினார்கள்). நமக்கு ஒன்றுமே தெரியாது என்று தொடங்கும்பொழுது எந்தவிதத் தயக்கமும் இல்லாமல் தப்பாகக் கூடச் சொல்லலாம். பேசுபவனுக்கு ஒன்றும் தெரியாது என்பதால் கேட்பவர்கள் அவனிடம் குறைகாண்பதில் ஆர்வத்துடன் இருப்பார்கள். அவர்கள் தவறைக் கண்டுபிடித்துச் சொன்னவுடன் "ஆமாம், நல்லது. நான் தப்பாப் புரிஞ்சுகிட்டேன்" என்று தயக்கமில்லாமல் சொல்லிவிடலாம். மாறாக எல்லாம் தெரியும் என்ற பாவனையைக் காட்டி பயிற்றுவிக்கத் தொடங்கினால் நம் தவறை பிறர் சொல்லும்பொழுது பூசி மொழுகத்தான் முயற்சிப்போம். அதுவே நாம் கற்றுக் கொள்வதற்குத் தடையாக மாறிவிடும்.  இந்த உத்தி LaTeX, C++, Linux, என்று தொடங்கி ஃபோரம்ஹப்பில் தமிழ் செய்யுள் இலக்கணம், இன்னும் ஜாஸ் அடிப்படை என்று பல விஷயங்களிலும் பயன்பட்டிருக்கிறது.  அதே உத்திதான் இங்கும் ஒன்றுமே தெரியாத நான் வியாக்யானம் செய்ய வந்திருக்கிறேன்.

பெரும்பாலான நேரங்களில் நான் எதை எழுதத் தொடங்கினாலும் எனக்கு எல்லாம் தெரியும் என்று அவர்களாகவே வரித்துக் கொண்டு என்னைக் கிழித்துக் குதறியெடுக்கிறார்கள்.  (ஒருவகையில் நானே கூட இதற்குக் காரணமாக இருக்கக் கூடும்.)  இந்தத் தொடரில் கட்டாயமாக கர்நாடக சங்கீதத்தைப் பற்றி எனக்கு தெரியாது என்று முன்கூட்டியே சொல்லிவிடுகிறேன்.

இன்னொரு காரணமும் இருக்கிறது. என் மனதுக்குப் பிடித்த பல பாடல்களை, குறிப்பாக இளையராஜாவின் காலத்தால் அழியாத பாடல்களை, இந்தத் தொடரில் பிறரிடம் முன்வைக்க முடியும் அதை வைத்து கொஞ்சம் கதைக்கவும் முடியும். வாராவாரம் வானொலியில் போடும் பாடல்களை இங்கே வலைப்பதிவிலும் எழுத உத்தேசம்.  வாரந்தோறும் ஒரு இராகத்தை எடுத்துக் கொண்டு அதன் அடிப்படையில் அமைந்த மூன்று அல்லது நான்கு பாடல்களைப் பற்றி பேச உத்தேசம்.  இராகங்களைத் தெரிந்தெடுக்க எந்தவிதமான வரிசையையும் நான் மேற்கொள்ளப் போவதில்லை. வானொலியில் ஒலிபரப்புவதற்கு மேலதிகமாக அந்த இராகத்தின் அடிப்படையில் அமைந்த பிற பாடல்களையும் தெரிந்த அளவுக்கு இங்கே பட்டியலிட உத்தேசம்.  இது இராகத்தைக் குறித்த கூடுதல் புரிதலுக்கு உதவக்கூடும்.

இந்தத் தொடரில் கர்நாடக இசையின் அடிப்படைகளைப் பற்றி விவாதிக்கவும் (எனக்கு) விளக்கவும் நண்பர்களை அழைக்கிறேன்.  அப்புறம் வழக்கமான இளையராஜா-ரஹ்மான் சண்டையையும் அவ்வப்போது போடலாம்.  ஆனால் இதற்கு நான் எடுத்துவரப் போவது அட்டைக்கத்திதான் எனவே உங்களுக்கு அட்டைக்கத்தியா பட்டாக்கத்தியா என்று நீங்களே முடிவு செய்து கொள்ளுங்கள்.

நாளை இரவு மாயாமாளவ கௌவ்ளை

தாளம் உலகெங்கும் -3

பல நாட்களுக்கு முன் எனக்குப் பிடித்த தாள வாத்தியக் கலைஞர்களைப் பற்றி எழுதுவதாகத் தொடங்கி ரஷ் குழுவின் நீல் பீர்ட் ஒருவருடன் நின்று போய்விட்டது.  கொஞ்சம் விபரமான பதிவுகளை எழுத தற்பொழுது அதிகம் நேரம் கிடைப்பதில்லை. எனவே, இனி நேரங்கிடைக்கும் பொழுது சிறிய பதிவுகளானாலும் தொடர்ந்து எழுத உத்தேசம். வரும் கருத்துகள்/உரையாடல்களைப் பொருத்து இந்தத் தொடர் விரிவடையலாம். இப்போதைக்கு சுருக்கமாக.

டெனிஸ் சேம்பர்ஸ் (Dennis Chambers) முதல் தர ஜாஸ்-ப்யூஷன் கலைஞர். முறையான பயிற்சியில்லாதவர். நான்கு வயதிலேயே தன்னிச்சையாக வாசிக்கத் தொடங்கியவர்.   ஜாஸ் ட்ரம்மர்களில் பலர் பழைய பிடி (traditional grip) என்று சொல்லப்படக்கூடிய வலது கை கீழ் நோக்கியும், இடது கை மேல்நோக்கியும் இருக்கும் பிடிப்பில்தான் வாசிப்பார்கள். ராக், பாப் குழுக்களில் வாசிப்பவர்கள் நேர் பிடி (Matched grip) முறையில் இரண்டு கைகளும் கீழ்நோக்கி இருக்கப்பிடிப்பார்கள்.  இப்படி நேர் பிடியில் ஸ்நேர் ட்ரம்மில் மிக விரைவாக வாசிப்பவர்கள் குறைவு. இங்கே டெனிஸ் சேம்பர்ஸ் நேர் பிடியில் விளாசுவதைப் பார்க்கலாம்.  இந்த தனி ஆவர்த்தனம் ஜான் மெக்ளாக்ளின் மற்றும் ஃப்ரீ ஸ்ப்ரிட்ஸ் (John McLaughlin and Free Spirits) குழுவில் சேம்பர்ஸ் வாசித்தது.

தூள் - ஓராயிரம்

இன்று தூள்.காம் தளத்தில் 'இன்றைய பாடல்' (Song of the Day) ஆயிரமாவது பாடலை வெளியிடுகிறது. தமிழ் இசைத் தளங்களுக்குள்ளே தூள் தனித்தன்மையானது. அதன் உச்சம் இன்றைய பாடல் பகுதி 2002 ஆண்டு தொடங்கி கிட்டத்தட்ட ஏழு வருடங்களாக தொடர்ந்து வரும் மெகா தொடர் இது. ஆனால் முதலாவது பாடலில் இருந்த அதே சுவாரசியம் இன்று வரை குறையாமல் தொடருகிறது. ஆரம்ப நாட்களில் கிட்டத்தட்ட நாளுக்கு ஒன்று என்ற வீதத்தில் வந்து கொண்டிருந்தது, இப்பொழுது அவ்வப்பொழுது எந்த கால வரையறையும் இல்லாமல் வருகிறது. எனக்குத் தெரிந்து இணையத்தில் இவ்வளவு வெற்றி கண்ட வேறெந்தத் தொடரும் தமிழில்/தமிழ் சார்ந்து இல்லை. Continue reading "தூள் - ஓராயிரம்"

ரிச்சர்ட் ரைட் - பிங்க் ஃப்ளாய்ட் கீபோர்ட் கலைஞர்

ராக் இசையுலகின் வரையறைகளை மாற்றி எழுதிய பிங் ஃப்ளாய்ட் இசைக்குழுவின் கீபோர்ட் கலைஞர் ரிச்சர்ட் ரைட் நேற்று காலமானார். பெருமளவில் ராக், ஜாஸிலிருந்து வேர்கள், கொஞ்சம் மேற்கத்திய செவ்வியல் இசை, நிறைய போதை மருந்துகள் இவற்றின் துணையுடன் பிங் ஃப்ளாய்ட் 1965 தொடக்கம் கிட்டத்தட்ட இருபத்தைந்து வருடங்களுக்கு இசையின் உச்சத்தையும் இரைச்சலின் துவக்கத்தையும் வேறுபடுத்திப் பார்க்க நமக்கு உதவியது. ஸிட் பாரெட் (Sid Barret)-ஆல் துவக்கப்பட்ட இந்தக் குழுவில் ஆரம்பக் காலந்தொட்டே ரிச்சர்ட் ரைட் இருந்தார்.  இவர்கள் இருவருடன் ரோஜர் வாட்டர்ஸ் (பாஸ்) மற்றும் நிக் மேஸன் (ட்ரம்ஸ்) இணைந்த இந்தக் குழுவின் முதல் பெயர் ஸிக்மா 6; பின்னர் இது பாரெட்டால் பிங் ஃப்ளாய்ட் என்று பெயர் மாற்றம் செய்யப்பட்டது. அத்துடன் போதை மருந்துகள் தூண்டும் பிழற்வுநிலை இசையொலிகள் இந்தக் குழுவின் அடையாளமாகவும் மாறியது.   பின்னர் 1968-ல் டேவ் கில்மர் இதில் இணைந்து கொண்டார். ஸிட் பாரெட்டின் மரணத்திற்குப் பிறகு ரோஜர் வாட்டர்ஸ், ரிச்சர்ட் ரைட், டேவ் கில்மர், நிக் மேஸன் என்ற நால்வர் குழுவாக இசையின் உச்சங்களை எட்டியது பிங்க் ஃப்ளாய்ட். Continue reading "ரிச்சர்ட் ரைட் - பிங்க் ஃப்ளாய்ட் கீபோர்ட் கலைஞர்"

தாளம் : உலகெங்கும் - 2

உலகமெங்கும் பல சுற்று சுற்றிவந்த பிறகு என் மனதைக் கவர்ந்த முழுமையான தாள வாத்திய மன்னர் நீல் பீர்ட் என்றுதான் தோன்றுகிறது. நீல் பீர்ட் (Neil Peart, pronounced as Peert not Pert), ஹெவி மெட்டல், ப்ரொக்ரெஸ்ஸிவ் ராக் இரண்டிலும் ஜொலிக்கும் ரஷ் (Rush) என்ற இசைக்குழுவின் ட்ரம்ஸ் கலைஞர், ரஷ்ஷின் ஆஸ்தான பாடலாசிரியரும்கூட. சமகால ட்ரம்ஸ் கலைஞர்களில் மிகவும் முக்கியமானவர் என்று பிற ட்ரம்ஸ் கலைஞர்களால், இசை வல்லுநர்களால், சஞ்சிகைகளால், இரசிகர்களால் புகழப்படுபவர். கடந்த முப்பது வருடங்களாக ராக் இசை நிகழ்ச்சிகளில் ட்ரம்ஸ் கலைஞர் ஒருவருக்காக அதிகம் கூட்டம் கூடுகிறது என்றால் அது பீர்ட் ஒருவருக்குத்தான் என்று உறுதியாகச் சொல்லமுடியும். Continue reading "தாளம் : உலகெங்கும் - 2"

தாளம் - உலகெங்கும் - 1

சிறு வயதிலிருந்தே எனக்குத் தாள வாத்தியங்களின் மீது வேறெல்லா இசையையும் விட ஈர்ப்பு அதிகமாக இருந்து கொண்டிருக்கிறது. தெருக்கோடியிலிருக்கும் மிருதங்கங்கம் கணேசய்யர் அவரது சிஷ்யகோடிகளுக்குச் சொல்லிக் கொடுக்கையில் அவருக்கு அடுத்த வீட்டு மாமாவிடம் ஓசி ஹிண்டு வாங்கி படித்துக்கொண்டே தாளத்தில் மயங்கிக் கிடப்பேன். கணேசய்யருக்குக் காசுகொடுத்து படிப்பிக்க என் குடும்பத்தில் வலுவில்லை. தெருவெல்லாம் புறப்பாடு நடத்திவரும் காளஹத்தீஸ்வரரையோ, பாணபுரீஸ்வரரையோ, படைவெட்டி மாரியம்மனையோ ஜனங்கள் மெய்மறந்து பார்த்துக் கொண்டிருக்கும்பொழுது நான் மேளத்தையும், பறையையும் மாத்திரமே கண்கொட்டாமல் பார்த்துக் கொண்டிருப்பேன். சாவு ஊர்வலத்தைப் பார்த்துப் பயப்படும் நண்பர்களுக்கிடையில் (பாடைலேந்து விழுந்த பூவ மிதிச்சா உங்க ஊட்லயும் சாவு விழும்) பறையைக் கேட்பதற்காக இரகசியமாக பிண ஊர்வலத்தைத் தொடர்ந்து சுடுகாடுவரை சென்றதுண்டு. அந்த ஊர்வலத்தில் வாசிக்கும் பறையொலியை லயம் மாறாமல் பள்ளிக்கூட மேசையில் வாசிப்பேன். இது பத்து வயதிலிருந்து பதினைந்து வயதுவரை. பாட்டி "தாளம் போட்ற வேதாளத்தப் பாரு, கைய ஒடிச்சி கட்டல வை" என்று திட்டுவதெல்லாம் ஒரு பொருட்டில்லை. Continue reading "தாளம் - உலகெங்கும் - 1"

வலையும் படைப்புச் சாத்தியங்களும்

எல்லா சராசரி நிரல் எழுதும் இளைஞர்களைப் போலத்தான் ஸ்ரீகாந்த் தேவராஜனும் அமெரிக்கா வந்தார். மினியாபோலிஸ் அவரை இருபது அங்குலப் பனிப்பொழிவுடன் அன்புடன் வரவேற்றது. பகலில் நிரலெழுதும் வேலையில் சளைத்துப் போன ஸ்ரீகாந்த்-க்கு இரவு நேர அடைக்கலம் கீபோர்ட். விரைவில் இணையம் வழியே அவரைப் போல ஆர்வம் இந்திய மென்கலன் நண்பர்களுடன் சேர்ந்து தனிப்பாடல்களை வெளியிட்டார். இதில் முக்கியமான விஷயம் திரையிசையை ஒத்த பாடல்களை உருவாக்குவதற்கு பல பேர் ஒன்று சேர வேண்டியிருக்கிறது; பாடலாசிரியர், இசையமைப்பாளர், வாத்தியக் கலைஞர்கள், பாடகர், ஒலிப்பதிவு நுட்பர் என்று பலருடைய ஒத்துழைப்பு தேவை. முந்தைய நாட்களில் இவரகள் அனைவரும் ஒரே நேரத்தில் ஒரே ஒலிப்பதிவுக் கூடத்தில் கூட வேண்டியிருந்தது. நவீன நுட்பம் இதைத் தேவையற்றதாக ஆக்கியிருக்கிறது. ஆரம்பகாலப் பாடகர் ஒருவரை வைத்துப் பாடலைப் பதிவு செய்து அனுப்பினால் எஸ்.பி. பாலசுப்ரமணியம் அவருக்குத் வசதிப்படும் நேரத்தில் அதே பாட்டையில் (track) தன் குரலில் பாடியதைப் பதிவு செய்து அனுப்பிவிடுவார். இதே முறையில் ஸ்ரீகாந்தும் அவர் நண்பர்களும் அமெரிக்காவின் பல்வேறு பகுதிகளில் இருந்துகொண்டே பாடல்களை உருவாக்கினார்கள். இவற்றில் பல mp3.com, iTunes போன்ற தளங்களில் விற்பனைக்கு வெளியிடப்பட்டது. விரைவில் ஸ்ரீகாந்தின் திறமை அவரைப் புதிய இடங்களுக்கு இட்டுச் சென்றது. சென்னையில் ஸ்ரீநிதி சிதம்பரத்தின் க்ரியா கிரியேஷன்ஸ் ஸ்ரீகாந்தின் மாஹாகவி என்ற இசைத் தொகுப்பை வெளியிட்டது. இந்தத் தொகுப்பில் பாரதியாரின் பாடல்களுக்கு ஸ்ரீகாந்த் மெட்டமைத்து இசை கோர்க்க எஸ்.பி. பாலசுப்ரமணியம், சுஜாதா, ஹரிஷ் ராகவேந்திரா, ஸ்ரீனிவாஸ் போன்ற முன்னணி திரையிசைப் பாடகர்கள் பாடியிருக்கிறார்கள். அந்தத் தொகுப்பிலிருந்து ஒரு பாடல் இங்கே;

பாடல்: சின்னஞ்சிறு கிளியே...
இசை : ஶ்ரீகாந்த் தேவராஜன்
தொகுப்பு: மஹாகவி (2006)
பாடகர் : எஸ்.பி. பாலசுப்ரமணியம்
பாடலாசிரியர் : பாரதியார்
[audio:chinanchiru.mp3]

Continue reading "வலையும் படைப்புச் சாத்தியங்களும்"