கனடா
நிழற்படப் போட்டி - விருது
ஒரு இனிமையான செய்தியை உங்களுடன் பகிர்ந்துகொள்வதில் மகிழ்ச்சி. என்னுடைய இரண்டு நிழற்படங்கள் சென்ற வாரம் இங்கே Toronto Royal Botanical Garden - ல் நடைபெற்ற வருடாந்திர ஆர்க்கிட் விழாவில் முதலாவது மற்றும் மூன்றாவது பரிசுகளைப் பெற்றன. தென் ஒண்டாரியோ ஆர்க்கிட் சொஸைட்டி, ராயல் பொட்டானிக்கல் கார்டனுடன் வருடந்தோறும் குளிர்காலத்தின் இறுதியில் இரண்டு நாட்களுக்கு இந்த விழாவை நடத்துகிறது. விழாவில் கிட்டத்தட்ட மூவாயிரத்திற்கும் மேற்பட்ட ஆர்க்கிட் செடிகள் இடம்பெறுகின்றன. ஆர்க்கிட்களின் பல [...]
பெண்ணழகு - கான் பெரும்பரிசு விளம்பரம்
வருடாந்திர கான் (Cannes) திரைப்பட விருந்துகள் விழா திரையுலகில் உலக அளவில் முக்கியமான ஒன்று. திரைப்படங்களுடன்கூட விளம்பரங்களுக்கும் இவ்விழாவில் விருதுகள் வழங்கப்படுகின்றன. இந்த ஆண்டின் அதிமுக்கிய விளம்பர விருது (க்ரான் ஃப்ரீ) டொராண்டோ நகரில் உருவாக்கப்பட்ட Evolution என்ற ஒரு நிமிடப் படத்திற்குக் கிடைத்திருக்கிறது. இது விளம்பர உலகில் ஒரு மைல்கல்.
தமிழ்க் கணிமைக்கான சுந்தர ராமசாமி விருது
இரு நாட்களுக்கு முன்னர் டொராண்டோ இலக்கியத் தோட்டத்தின் வருடாந்திர இயல்விருது விழா குறித்து எழுதியிருந்தேன். இந்த வருடம் பல புதிய விருதுகள் துவக்கப்பட்டிருக்கின்றன. இவற்றுள் ஒன்று தமிழ்க் கணிமைக்கான பங்களிப்பிற்கான சுந்தர ராமசாமி விருது. இவ்விருதிற்கான பணம் காலச்சுவடு அறக்கட்டளையால் வழங்கப்பட்டிருக்கிறது. இலக்கியத் தோட்ட விருதுகளில் பணம் தருபவர்களின் எந்தவிதத் தலையீடும் கிடையாது. விருது பெறுபவரைத் தீர்மானிக்கும் முழுப்பொறுப்பும் இலக்கியத் தோட்டத்தையே சேரும். அவர்களும் சுயேச்சையான நடுவர் குழுவை அமைத்துவிட்டு [...]
Sexuality and U
புத்திசாலித்தனமாகவும், கலைநுட்பத்துடனும் உருவாக்கப்பட்ட விளம்பரங்கள் எப்பொழுதுமே ஒரு நல்ல கலைப்படைப்பைத் துய்த்தலுக்கு நிகரான மகிழ்ச்சியைத் தரக்கூடியன. இனி தொடர்ந்து அவ்வப்பொழுது காணும் நல்ல விளம்பரங்களைப் பற்றியும் கொஞ்சம் எழுதலாமென உத்தேசம். ஆர்வமுள்ள நண்பர்களுடன் இவற்றைப்பற்றி அலசவும் ஆவல். இவற்றில் பெரும்பாலானவை பொதுநல விளம்பரங்களாகவும் இருக்கும்.
பேராசிரியர் பசுபதி பணி ஓய்வு
தமிழ் இலக்கியம், இசை கருத்தாடல் குழுக்களில் பங்கேற்பவர்களுக்குப் பேரா. பசுபதியைத் தெரிந்திருக்கும், குறிப்பாக செவ்வியல் இலக்கியக் குழுக்களில். கிட்டத்தட்ட எட்டு வருடங்களுக்கு முன்னால் எங்களில் பலர் செவ்வியல் இலக்கியங்கள், தமிழ் இலக்கணம் போன்றவற்றைக் குறித்து நிறைய கருத்தாடல்களில் ஈடுபட்டிடுக்கிறோம். பள்ளிப் படிப்பிற்குப் பிறகு உருவான பெரும் இடைவெளிக்குப் பிறகு தமிழ் இலக்கணம் குறித்த பல சந்தேகங்களை பசுபதி தீர்த்து வைத்திருக்கிறார்.
ஆனால் பசுபதி தமிழ்ப் பேராசிரியர் கிடையாது. அவர் தகவல் நுட்பத் துறையில் விற்பன்னர். டொராண்டோ [...]
நிறவெறி
சில சமயங்களில் தனிப்பட்ட முறையில் நடக்கும் சில உரையாடல்களினால் சலிப்படையும்பொழுது அதைப் பொதுவில் கொட்டித்தீர்க்க வேண்டும்போலிருக்கும். அந்த வகையில் இது எரிச்சலைடைந்து உரக்கக் கத்துவது.
எனக்கும் பல்கலைக்கழகத்திலிருக்கும் ஒரு நண்பருக்கும் சில நாட்களாக டொராண்டோ நகரின் குற்றங்களையும் குற்றவாளிகளையும் பற்றிய உரையாடல் நீண்டுகொண்டு வருகிறது. அமெரிக்காவின் சம அளவு நகர்களுடன் ஒப்பிடுகையில் டொராண்டோவில் பத்தில் ஒரு பங்குதான் குற்றங்கள் நிகழுகின்றன. (உடனே வழக்கமாக அமெரிக்காவிற்குக் கொடிபிடிக்கும் நண்பர்கள் கொடிக்கம்பைத் திருப்ப வேண்டாம், இந்த ஒப்பீடு [...]
கிரிக்கெட் உலகக்கோப்பையும் சிறுநாடுகளும்
மணிகண்டனின் இந்தப் பதிவைப் பார்த்தபிறகு எழுதத் தோன்றியது.
இந்த முறை உலகக் கோப்பை கிரிக்கெட்டில் ஏழெட்டு சோதா அணிகள் இருக்கின்றன. இது ஆட்டத்தின் சுவாரசியத்தைக் குறைக்கிறது என்று சொல்கிறார் மணி. சென்ற உலக்கோப்பையில் அரையிறுதி ஆட்டம் வரைக்கு கென்யா வந்தது என்பதை மனதில் கொண்டால் அவரது ஆதங்கம் எவ்வளவு தேவையற்றது என்பது புரியும். இருக்கிற ஏழெட்டு நாடுகளே விளையாடி தங்களுக்குள்ளே ஒரு கோப்பையைக் கொடுத்துக் கொண்டால் அதற்கு உலகக் கோப்பை என்று பெயரில்லை. (அதுதான் [...]
உம்மாச்சி செல்ஃபோன்
நான் நிறைய நாட்களாகவே யோசித்துக்கொண்டிருந்த விஷயம் இது. இங்கே பாட்டு கேட்பதற்காக, படம் பார்ப்பதற்காக செல்பேசிகளை விற்கிறார்கள். கொஞ்சம் நாட்களுக்கு முன்னதாக கனடாவின் மூன்றாவது பெரிய செல்பேசி நிறுவனமான டெலஸ் செல்பேசிகளில் ஃபோர்னோ படங்களையும் விற்க முடிவெடுத்தது. அதற்கு கொஞ்சம் எதிர்ப்பு வரவே இப்பொழுது ஒத்திப் போட்டிருக்கிறது. பாட்டு, படம், ஃபோர்னோ இவை மூன்றுக்கும் அடுத்தபடியாக அதிகம் விற்பனையாகக் கூடிய சமாச்சாரம் ஆத்திகம். இதை இன்னும் செல்பேசிக்காரர்கள் பயன்படுத்தவில்லையே என்று ஆச்சரியப்பட்டுக் கொண்டிருந்தேன்.
ஈழத்து நவீன நாடக முன்னோடி ஏ.சி.தாசீசியஸுக்கு இயல் விருது
2006 ஆம் ஆண்டிற்கான இயல்விருது அறிவிக்கப்பட்டிருக்கிறது.
ஈழத்து நவீன நாடக வரலாற்றில் புதிய போக்கை நிறுவிய நாடக நெறியாளர், நடிகர் ஏ.சி.தாசீசியஸுக்கு 2006 இயல் விருதை வழங்க, கனேடிய தமிழ் இலக்கியத் தோட்டத்திற்கான தேர்வுக் குழு முடிவு செய்திருக்கிறது. மேற்கத்தைய நாடக நுட்பங்களையும் தமிழ் மரபுக் கலைகளையும் இணைத்துப் புதிய போக்கை உண்டாக்கியவர் திரு தாசீசியஸ். அது பலரின் வரவேற்பைப் பெற்றதுடன், நவீன நாடகத்தில் பலரை ஈடுபடவும் வைத்தது.
இதற்கு முன்னர் இயல்விருது பெற்றவர்களின் பட்டியல்
2001 : சுந்தர ராமசாமி [...]
மதுரைத் திட்டம் கல்யாணசுந்தரம் டொராண்டோ வருகிறார்
மதுரைத் திட்டத்தின் தலைவர் முனைவர் கல்யாணசுந்தரம் ஜுலை முதல் வாரத்தில் டொராண்டோ வரவிருக்கிறார். இவரது வருகையையொட்டி டொராண்டோ தமிழ் கழகத்தின் (MACA) இலக்கியக்குழு ஒரு விசேட நிகழ்வை ஒழுங்கைமக்கவிருக்கிறது ஒழுங்கமைக்கவிருக்கிறது. இது ஜூலை 8ம் தேதி நடைபெறவிருக்கிறது. இடம், காலம் முடிவானபின் அறியத் தருகிறேன். மதுரைத் திட்டம், தமிழிலக்கியம், தமிழ் கணிமை இவற்றில் ஆர்வமுள்ளவர்கள் கலந்துகொள்ள விழைகிறேன்.
1998-ல் அதிகாரபூர்வமாக மதுரைத் திட்டம் துவக்கப்படுமுன்னரே கல்யாண் இதையொட்டிய வேலைகளில் ஈடுபட்டிருந்தார். 1995-ல் நான் ஸ்காட்லாந்தில் வசித்தபொழுது [...]
