இசை
ரிச்சர்ட் ரைட் - பிங்க் ஃப்ளாய்ட் கீபோர்ட் கலைஞர்
ராக் இசையுலகின் வரையறைகளை மாற்றி எழுதிய பிங் ஃப்ளாய்ட் இசைக்குழுவின் கீபோர்ட் கலைஞர் ரிச்சர்ட் ரைட் நேற்று காலமானார். பெருமளவில் ராக், ஜாஸிலிருந்து வேர்கள், கொஞ்சம் மேற்கத்திய செவ்வியல் இசை, நிறைய போதை மருந்துகள் இவற்றின் துணையுடன் பிங் ஃப்ளாய்ட் 1965 தொடக்கம் கிட்டத்தட்ட இருபத்தைந்து வருடங்களுக்கு இசையின் உச்சத்தையும் இரைச்சலின் துவக்கத்தையும் வேறுபடுத்திப் பார்க்க நமக்கு உதவியது. ஸிட் பாரெட் (Sid Barret)-ஆல் துவக்கப்பட்ட இந்தக் குழுவில் ஆரம்பக் காலந்தொட்டே ரிச்சர்ட் ரைட் இருந்தார். இவர்கள் [...]
தாளம் - உலகெங்கும் - 1
சிறு வயதிலிருந்தே எனக்குத் தாள வாத்தியங்களின் மீது வேறெல்லா இசையையும் விட ஈர்ப்பு அதிகமாக இருந்து கொண்டிருக்கிறது. தெருக்கோடியிலிருக்கும் மிருதங்கங்கம் கணேசய்யர் அவரது சிஷ்யகோடிகளுக்குச் சொல்லிக் கொடுக்கையில் அவருக்கு அடுத்த வீட்டு மாமாவிடம் ஓசி ஹிண்டு வாங்கி படித்துக்கொண்டே தாளத்தில் மயங்கிக் கிடப்பேன். கணேசய்யருக்குக் காசுகொடுத்து படிப்பிக்க என் குடும்பத்தில் வலுவில்லை. தெருவெல்லாம் புறப்பாடு நடத்திவரும் காளஹத்தீஸ்வரரையோ, பாணபுரீஸ்வரரையோ, படைவெட்டி மாரியம்மனையோ ஜனங்கள் மெய்மறந்து பார்த்துக் கொண்டிருக்கும்பொழுது நான் மேளத்தையும், பறையையும் மாத்திரமே கண்கொட்டாமல் [...]
மஹரிஷி மஹேஷ் யோகி
உலக அளவில் இந்து மதத்தின் மிகப் பிரபலமான முகங்களில் ஒருவரான மஹரிஷி மஹேஷ் யோகி நேற்று காலமானார். 1950 தொடங்கி அரை நூற்றாண்டுக்கும் மேலாக பல்வேறு காலகட்டங்களில் பல பிரபலங்களுக்கு நெருக்கமானவராக இருந்தவர் யோகி. இந்த வருட ஆரம்பத்தில், தான் இந்தப் பூவுலகில் அவதரித்து செய்து முடிக்க வேண்டிய காரியங்கள் முடிந்துவிட்டதாகவும் இனி வரும் நாட்களை பண்டைய ஹிந்து நூல்களைப் படிப்பதில் செலவிட்டால் போதும் என்று முடிவு செய்துவிட்டதாகவும் சொன்னார். தான் [...]
இந்தியன் எக்ஸ்பிரஸ் : இளையராஜா பேட்டி
இன்றைய NewIndPress -ல் இளையராஜாவின் பேட்டி வெளியாகியிருக்கிறது.
இப்படியாகத் தலையுமில்லாமல் வாலுமில்லாமல் நோக்கமும் இல்லாமல் தெளிவுமில்லாமல் ஏன்தான் பேட்டியெடுத்துத் தொலைகிறார்களோ என்று தெரியவில்லை.
அச்சுப்பதிப்பில் இது எப்படி வந்திருக்கிறது என்று தெரியவில்லை. முப்பெத்தெட்டாம் பக்கத்து மூலை கணக்காக ஏதாவது வரிவிளம்பரங்களுக்கிடையே மிஞ்சிப்போன வெற்றிடத்தை நிரப்பியிருப்பார்கள் என்று நினைக்கிறேன்.
* * *
சீனி கம் பாடல்கள் கம்போஸிங்க் பற்றி நேரம் கிடைக்கையில் கொஞ்சம் எழுத வேண்டும்.
கணினியும் இசையும் - 3 : ஒலிநாடா பாடல்களைத் தனித்தனி எம்பி3 கோப்புகளாக்குதல்
சென்ற பகுதியில் ஒலிநாடாவிலிருந்து எப்படி கணினிக்கு மாற்றுதல் என்று பார்த்தோம். ஒலிநாடாவை கணினியில் பதிவு செய்யும்பொழுது நாடாவின் ஒரு பக்கத்தில் இருக்கும் பாடல்கள் அனைத்தும் ஒரே கோப்பாக சேமிக்கப்படும். தொடரின் இந்தப் பகுதியில் அவற்றை எப்படித் தனித்தனி பாடல்களாக வெட்டியெடுக்கலாம் என்பதையும், கோப்புகளை எப்படி எம்பி3 ஆக மாற்றலாம் என்பதையும் பார்க்கலாம்.
கணினியும் இசையும் - 2 : ஒலிநாடாவிலிருந்து கணினிக்கு மாற்றுதல்
ஒலிநாடாவிலிருந்து கணினிக்கு என்று பொதுப்படையாக எழுதியிருந்தாலும், இந்த முறையை பின்வருவனவற்றுக்கும் எந்த மாறுதலும் இல்லாமல் பயன்படுத்த முடியும்; ஒலிநாடா, எல்.பி இசைத்தட்டு, பல்வேறுதரப்பட்ட ஒலிநாடக்கள்
இதற்கு நாம் பயன்படுத்தப் போகும் பொதி அடாசிட்டி என்பது. இதன் முக்கிய சிறப்புகள்;
கணினியும் இசையும் - 1 : குறுவட்டிலிருந்து MP3 மாற்றுதல்
இதற்கு நாம் பயன்படுத்தப் போவது நிரலி CDex. இதைத் தெரிந்தெடுக்கப் பல காரணங்கள் இருக்கின்றன. இவற்றுள் முக்கியமான சில;
இது முற்றிலும் இலவசமான, GPL உரிமம் கொண்ட தளையறு மென்கலன்.
நானறிந்தவரையில் இதனுடைய குறுவிரி (குறுக்கும் விரிக்கும் நிரலி, COmpression-DECompression) மிகத் திறமையானது. திறமூலம் என்பதால் இது நன்றாகச் சோதிக்கப்பட்டு முன்னேற்றப்பட்டுள்ளது.
இது எம்பி3க்கு மாற்றும்பொழுது குறுவட்டில் இருக்கும் கீறல்கள், அழுக்குகள் போன்றவற்றால் வரும் இரைச்சல்களைப் பெருமளவிற்குக் கட்டுப்படுத்துகிறது. அப்படி [...]
கணினியும் இசையும்
புதிதாக ஒரு தொடர் எழுத உத்தேசம். என்னிடம் பல நாட்களாகப் பலர் இதைப் பற்றி எழுதச் சொல்லி வற்புறுத்திக் கொண்டிருக்கிறார்கள். சோம்பேறித்தனத்தால் துவங்கவில்லை. இன்றைய சுபயோக சுபதினத்தில் இதை ஆரம்பித்துவிடலாம் என்று உத்தேசம்.
சொர்க்கமே என்றாலும் நம்மூரப் போலவருமா
பாடல்: சொர்க்கமே என்றாலும்…
இசை : இளையராஜா
பாடம்: ஊருவிட்டு ஊருவந்து (1990)
பாடியவர்கள்: இளையராஜா, எஸ். ஜானகி
பாடலாசிரியர் : கங்கை அமரன்[Audio clip: view full post to listen]
இளையராஜாவின் மூன்று அன்னங்கள் என்ற தலைப்பில் ஹம்ஸத்வனி, ஹம்ஸாநந்தி, ஹம்ஸநாதம் ராகங்களில் அமைந்திருந்த மூன்று பாடல்களைக் குறித்து தமிழ்மணம் நட்சத்திரமாக இருந்த காலத்தில் எழுதியிருந்தேன். அப்பொழுது ஹம்ஸநாதம் குறித்து எழுதும்பொழுது
பாடலைக் கண்டுபிடியுங்கள் - சோதனை
நீண்ட நாட்களாக இடை நிறுத்தியிருந்த என்னுடைய இசைப் பதிவுகளைத் திரும்பத் துவக்கவிருக்கிறேன். வேர்ட்பிரஸ்ஸில் எம்.பி3 சோதனைக்காக இடப்படும் பதிவு இது. எனக்கு மட்டும் சோதனையாக இல்லாமல் உங்களுக்கும் சேர்த்து சோதனையாக்கியிருக்கிறேன்.
[Audio clip: view full post to listen]
கொடுக்கப்பட்டிருக்கும் முப்பது நொடிகளுக்கும் குறைவான இசைத் துணுக்கைக் கொண்டு என்ன பாடல் என்று கண்டுபிடியுங்கள். இந்தப் பாடலைக் குறித்து ஏற்கனவே ஒருமுறை நான் என் இசைப்பதிவொன்றில் எழுதியிருக்கிறேன். இதைப் பற்றி விரிவாக [...]
