அறிவிப்புகள்
பழையன தொகுப்பும் பிறவும்
என்னுடைய பழைய இடுகைகள் அனைத்தின் தலைப்பும் இங்கே கிடைக்கிறது. வலைப்பதிவு எழுதத் துவங்கி கிட்டத்தட்ட நான்கு வருடங்கள் ஆகப்போகின்றன. எழுதிய சில கருத்துக்கள் இன்றைய என் சிந்தனைக்கு ஒவ்வாதனவாகத் தோன்றினாலும் ஓடி ஒளியும் உத்தேசமில்லை.
தமிழ்த்திரையிசையில் ஜாஸ் வடிவம் என்று தலைப்பிட்டு எழுதியவற்றை ஒரே பக்கத்தில் தொகுத்திருக்கிறேன். சிலருக்குப் பயன்படலாம். எழுதும்பொழுது ரியல் ஆடியோ வடிவில் குறைந்த ஒலித்தரத்தில் வெளியிட்டிருந்தவற்றை இப்பொழுது எம்பி3 வடிவில் தந்திருக்கிறேன்.
என்னுடைய அறிவியல் கட்டுரைகளின் தொகுப்பு குவாண்டம் கணினி என்ற பெயரில் 2003 [...]
கணினியும் இசையும்
புதிதாக ஒரு தொடர் எழுத உத்தேசம். என்னிடம் பல நாட்களாகப் பலர் இதைப் பற்றி எழுதச் சொல்லி வற்புறுத்திக் கொண்டிருக்கிறார்கள். சோம்பேறித்தனத்தால் துவங்கவில்லை. இன்றைய சுபயோக சுபதினத்தில் இதை ஆரம்பித்துவிடலாம் என்று உத்தேசம்.
சீனாவில் என் வலைப்பதிவு தடை
வெள்ளிக்கிழமையும் அதுவுமா என் நண்பன் ஒருத்தன் ஒரு நல்ல சேதியைச் சொல்லியிருக்கிறான். சீனாவில் என் தளம் தடை செய்யப்பட்டிருக்கிறதாம். காரணம் - யாருக்குத் தெரியும்? ஒரே ஒரு தடவை கம்யூனிஸமும் கத்தோலிக்கமும் கை கோர்த்துக் கொள்கின்றன என்று எழுதியிருந்தேன். ஒரு வேளை அதை யாராவது படித்துச் சொல்லிவிட்டார்களோ? (படத்தில் கிளிக்கினால் பெரிதாகத் தெரியும்). சிரிப்புத்தான் வருகிறது.
உங்களுக்கும் இந்தத் தடை இருக்கிறதா என்று http://greatfirewallofchina.org/ போய் பார்த்துக் கொள்ளுங்கள்.
LaTeX test
[tex]e^{i\pi}=-1[/tex]
[tex] \displaystyle\int_{-\infty}^t\delta(\tau)d\tau = u(t) [/tex]
கொஞ்சம் நாட்களாக யோசனை செய்து வைத்திருந்த விஷயம்; வேர்ட்பிரஸ்க்கு லேட்டெக் [tex] \LaTeX [/tex] பொருத்தி கிடைக்கிறது. இதை நம் தளத்தில் நிறுவிப் பார்த்தாலென்ன என்ற ஆசை இருந்தது. இன்றைக்குப் பின் மதியத்தில் எழுதப்போகும் ஒரு விஷயத்திற்கு இது உதவியாக இருக்கும் என்பதால் உடனடியாக முயற்சி செய்து பார்க்கிறேன்.
அடிக்கடி சமன்பாடுகளெல்லாம் எழுதி உங்களைப் பயமுறுத்தப் போவதில்லை. ஆனால் எப்பொழுதாவது ஒரு முறை தேவைப்பட்டால் இருக்கட்டுமே என்றுதான். அடுத்ததாக எழுதப்போகும் [...]
வலைப்பதிவு அமைப்பு மாற்றங்கள்
என்னுடைய வலைப்பதிவுகளின் அமைப்பில் பல மாற்றங்களைச் செய்திருக்கிறேன். இது குறித்த உங்கள் கருத்துக்களை அறிய ஆவலாயிருக்கிறேன்.
முதலாவதாக பழைய Pentium II 233 MHz, Fedora Core 2 Linux -ல் இயங்கிக் கொண்டிருந்த என் வழங்கியிலிருந்து புதிய ( இதுவும் பழைய பெட்டிதான்). இந்த புதிய பெட்டி Pentium 4, 1.3 GHz, Ubuntu Linux-ல் இயங்குகிறது. இதுவும் என் இல்லத்திலிருந்துதான் இயக்கப்படுகிறது.
