தமிழ்த் திரையிசையில் ஜாஸ் வடிவம் – இரண்டு
by வெங்கட் • August 14, 2005 • இசை • 13 Comments
ஜாஸ் இசையில் அதிகம் பயன்படும் வாத்தியங்களாகப் பின்வருனவற்றைச் சொல்லலாம்; ட்ரம்பெட், சாக்ஸஃபோன், பியானோ, கிளாரினெட், கிடார் (அக்குஸ்டிக் கிடார், ஸ்லைட் கிடார், மாண்டலின்), பாஸ் கிடார் (டபுள் பாஸ் கிடார்), ட்ரம்ஸ், த்ராம்போன். நவீன ஜாஸ் இசையில் பயன்படுத்தப்படாத இசைக்கருவிகளே இல்லை என்று சொல்லலாம். ஆனால் ஆரம்ப ஜாஸ் வடிவத்தில் இந்தப்பட்டியலில் இருப்பவைதான் மிகவும் முக்கியமாகக் கருதப்பட்டன. உதாரணமாக வயலின் மிகப் பிரபலமான இசைக்கருவியாக இருந்தாலும் ஜாஸில் இதற்கு அதிக இடமிருப்பதில்லை.
ஆரம்ப ஜாஸ்களில் மூன்று அல்லது நான்கு கருவிகளுக்கு மேலாக அதிகம் வாசிக்கப்பட்டதில்லை. பெரும்பாலான ஜாஸ் குழுக்கள் நான் சென்ற முறை சொன்னதுபோல நடந்துகொண்டு கருவிகளை இசைத்துச் செல்ல வேண்டியிருந்ததால் ட்ரம்பெட், க்ளாரினெட் போன்ற வாத்தியங்கள் பெரிதும் பயன்பட்டன. ஆரம்பகால நியூ ஆர்லியன்ஸ் வடிவத்தில் நம்மூரில் மௌத் ஆர்கன் என்று அழைக்கப்படும் ஹார்மானிக்கா ஜாஸில் நிறையப் பயன்பட்டது. (இதற்கு ஜாஸ் உலகில் ப்ளூஸ் ஹார்ப் என்ற பெயரும் உண்டு). ஆனால் பின்னாட்களில் இன்னும் சிக்கலான ஒலிகளை இசைக்கக்கூடிய கருவிகள் ஜாஸில் பிரசித்தமடைய, ஹார்மானிக்கா போன்ற எளிமையானவை மறைந்துபோயின.
ஜாஸ் இசையைப் பற்றி தெரிந்துகொள்ள பிரபலமான ஜாஸ் கலைஞர்களைக் கேட்பது மிகவும் முக்கியம். அதே போல ஜாஸிற்கே அடிப்படையான கருவிகளின் இசையையும் தெரிந்து கொள்வது நல்லது. எனவே இந்த வாரம் Brass Instruments என்று அழைக்கப்படும் காற்றுக்கருவிகளின் ஒலிகளில் சிலவற்றை அடையாளம் காணலாம். ஜாஸிற்கென்றே இருக்கும் மிகச் சில கருவிகளுள் இந்த பித்தளைக் கருவிகள் (இவற்றில் பெரும்பாலும் பயன்படுத்தபடும் உலோகம் பித்தளை என்பதால் …) முக்கியமான இடத்தைப் பெறுகின்றன. மேலும் இந்தக் கருவிக் கலைஞர்களே அதிகம் ஜாஸ் சூப்பர் ஸ்டார்களாக அடையாளம் காணப்பட்டார்கள்.
ட்ரம்பெட்
ஜாஸ் இசையைப் பற்றிப் பேசும்பொழுது மிகவும் முக்கியமான பெயர் – லூயி ஆர்ம்ஸ்ட்ராங். மிகச் சிறந்த ட்ரம்பெட் கலைஞரான இவர் ஜாஸின் மிகவும் முக்கியமான வாய்ப்பாட்டுக்காரரும் கூட. ஜாஸ் இசையை வரையறுத்ததில் ஆர்ம்ஸ்ட்ராங்கிற்கு முக்கிய இடமுண்டு. மைல்ஸ் டேவிஸ் 1950களில் துவங்கி ஜாஸின் போக்கையே மாற்றியமைத்தவர். டேவிஸின் பல படைப்புகள் ஜாஸ் உலகில் தனி வகையாகக் கிளைத்திருக்கின்றன. மிக முக்கியமாக இவருடைய Kind of Blue என்ற தொகுப்பு ஜாஸின் மிக முக்கிய்மான படைப்பாகக் கருதப்படுகிறது. இவர் இருவருமாக ஜாஸ் ட்ரம்பெட் தெய்வங்கள் என்று அறியப்படுகிறார்கள். இவர்களைத் தவிர முக்கியமான ட்ரபெட் கலைஞர்களாக நான்கருதுபவர்கள் – Buddy Bolden, Dizzy Gillespie, Freddie Hubbard, Wynton Marsalis . இவர்களுள் மார்ஸலிஸ் பற்றி தனியாக எழுத வேண்டும். ஒரு புறம் ஜாஸின் ஆதி வடிவத்தை மீட்டெடுத்தவர் என்று புகழப்படும் மார்ஸலிஸ் மறுபுறம் பழமைவாதி மாற்றம் என்பதே ஆதாரமாகக் கொண்ட ஜாஸைத் தேக்க நிலைக்குத் தள்ள முயற்சிப்பவர் என்று கடுமையான விமர்சனங்களைப் பெறுபவர்.
ட்ரம்பெட் : Bye Bye<
Artist : Miles Davis
Album: The Complete Blackhawk SessionsAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
க்ளாரினெட்
ஆரம்ப காலங்களில் தனி ஜாஸ் வாத்தியமாக முக்கியத்துவம் பெற்றிருந்த க்ளாரினெட் பிறகு கூட்டத்தில் ஒரு வாத்தியமாகத் தள்ளப்பட்டுவிட்டது. பென்னி குட்மான் ஜாஸ் க்ளாரினெட் கலைஞர்களிடையே முக்கியமானவர். இவருக்கு King of Swing என்ற பட்டம் இருந்தது. 1950-60களில் புகழ் பெற்ற பெரும் குழுக்களில் (Big Band Jazz) க்ளாரினெட்டிற்கு மிகவும் முக்கிய இடமிருந்தது. அந்த காலங்களில் ஆர்டி ஷா மிகவும் முக்கியமானவராக இருந்தார்.
க்ளாரினெட் : Temptation
Artist : Artie Shaw and his Orchestra
Album : Begin the BeguineAudio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
சாக்ஸபோன் பற்றி சென்ற வாரம் ஜான் கொல்த்ரெய்னைப் பற்றிச் சொல்கையில் கொஞ்சம் சொல்லியாகிவிட்டது. ஆனால் சாக்ஸில் பல வகைகள் இருக்கின்றன. இவற்றைப் பற்றியெல்லாம் யாருக்காவது தேவை என்றால் பின்னால் எழுதுகிறேன். சீக்கிரமாகத் தமிழ்த் திரையுலகிற்குச் சென்றாக வேண்டும்.
* * *
ஜாஸின் ஆதாரம் improvisation என்று சொல்லப்படும் நொடியில் மாறும் திறம்தான். தமிழ்த் திரையிசையில் (பொதுவாகத் திரையிசையில்) இசைக்கப்படுவது தொகுக்கப்பட்ட இசை (Composed music); அதாவது இசையமைப்பாளர் ஏற்கனவே தீர்மானித்து அதற்கேற்ற வகையில் பாடலாசிரியர் பாட்டெழுதி துல்லியமாகப் பிரிக்கப்பட்டு இசைக்கலைஞர்களிடம் சொல்லப்பட்டு இசைக்கப்படுவது. இந்த இடத்தில் ஜாஸின் அடிப்படை இதயமான சுதந்திர மாற்றங்களுக்குச் சாத்தியமில்லாமல் போவதால் திரையுலகில் ஜாஸ் என்பது ஒரு சொல்முரண்தானா?
இதைப்பற்றி அடுத்ததாக எழுதுகிறேன். இதிலிருந்து தமிழ் உதாரணங்கள் துவங்கும்.
நல்ல கட்டுரை முயற்சி
ரசிச்சுப் படிச்சேன். இரண்டாவது பகுதி மாதிரி இல்லாம, மூணாவது அத்தியாயத்தை சீக்கிரமாவே போடுங்க…
நல்ல பதிவு. ஆனால் முந்தய பதிவை இனிதான் படிக்க வேண்டும்
[2] கோயிஞ்சாமி – வாரத்துக்கு ஒரு முறை – வாரக்கடைசியில் எழுதுவதாக உத்தேசம். சிறு இசைத்துணுக்குகளை வெட்டியெடுத்து சில விஷயங்களை விளக்க உத்தேசமிருப்பதால் வாரக்கடைசிதான் சரிப்படுகிறது.
ரமணி, வஸந்த் – நன்றிகள்!
[4] that wud be fine. thnx.
நல்ல பதிவு.
உலகின் தலைச்சிறந்த இசைக்கருவியான guitar sideline செய்யப்படுவதாகத் தோன்றுவதால் என் பங்குக்கு சில வித்தகர்களின் பெயர்கள்
- George Benson
- Al Di Meola
- John McLaughlin (of course)
- Pat Metheny
- Jaco Pastorius (Bass player of the jazz band 'Weather Report')
- Stanley Clarke (Bass player of 'Return to Forever')
Solo எனப்படும் தனியாவர்த்தனமும் jazzஇன் ஒரு சிறப்பம்சம். இசைஞர்களின் திறமையைத் தனிப்பட்ட முறையில் 'வழிபட' இவை சிறந்த வாய்ப்புகளாகும்.
//ஆனால் சாக்ஸில் பல வகைகள் இருக்கின்றன. இவற்றைப் பற்றியெல்லாம் யாருக்காவது தேவை என்றால் பின்னால் எழுதுகிறேன்.//
Tenor sax, soprano sax ஆகியவையா? புகைப்படங்களில் பார்ப்பதற்கு வித்தியாசமாக உள்ளதைக் கண்டிருக்கிறேன். ஒன்று நேர் கோடு போலவும் இன்னொன்று sine wave போன்ற வளைவுகளுடனும்.
பொதுவாக ஒரு sax கலைஞர் இருவகை saxகளையும் வாசிப்பதில் தேர்ச்சி பெற்றிருப்பாரா?
//இந்த இடத்தில் ஜாஸின் அடிப்படை இதயமான சுதந்திர மாற்றங்களுக்குச் சாத்தியமில்லாமல் போவதால் திரையுலகில் ஜாஸ் என்பது ஒரு சொல்முரண்தானா?//
இதே கேள்விதான் எனக்கும். திரையிசையில் jazz வடிவத்தை உணர்ந்ததாக நினைவில்லை (expect perhaps in the movie 'Duet' in which Kadiri was given an opportunity to 'freak out' on sax).
அடுத்தப் பகுதியை எதிர்ப்பார்க்கிறேன்.
Oops, my 'close parantheses' have turned into 'winkies'
கென் பேர்ன்ஸ் இயக்கி வந்த 10 பகுதிகளினான ஜாஸ் இசைவரலாற்று விவரணம் உண்டு. (பார்த்திருப்பீர்களென நினைக்கிறேன்). நான் பார்த்தவற்றிலே மிக அருமையான விரிவான நுணுக்கமான விவரணம்.
ஆரம்ப ஜாஸ் நியூ ஓர்லியன்ஸ் பகுதியிலே தனியே (இறப்பு ஊர்வலங்களிலே இன்றைக்கும் நிகழும்) ப்ராஸ் பாண்ட் ஆக மட்டுமே நிகழ்ந்ததில்லை. பூங்காக்களிலும் நிகழ்ந்திருந்தன. நியூ ஓர்லியன்ஸ் நகரின் கொங்கோ சதுக்கத்திலே இது நிகழ்ந்திருக்கின்றது (இதன் அருகிலேதான் உலூயி ஆம்ஸ்ரோங் பிறந்த வீடு இருக்கின்றது).
ஜாஸ் தன் அமைவுக்குப் பல கூறுகளைக் கொண்டிருந்தாலுங்கூட, நியூ ஓர்லியன்ஸின் buddy bolden தான் ஜாஸின் தந்தையாகச் சொல்லப்படுகின்றார். ஆனால், அவருடைய இசை என எதுவுமே பதிவாகவில்லை (ஓரிரண்டு பதிவுகள் அவருடையதெனச் சொல்லப்பட்டபோதிலுங்கூட). Marsalis குடும்பமே ஜாஸிலே தற்போது பேசப்படுகின்றவை. தந்தை Marsalis, நியூ ஓர்லியன்ஸ் பல்கலைக்கழகத்திலே இசைப்பேராசிரியராக இருக்கின்றார். (வெயிண்டன் இனைத் தவிர இன்னும் சில மக்கள்; வெயிண்டனின் கடைசித்தம்பியினை இருந்து பாருங்கள். ஓஹோவென வருவார்.)
[6] வாய்ஸ் – கிட்டாரை ஒதுக்கவில்லை. அதன் அருகில் போகவே பயமாக இருக்கிறது. ஜாஸ் கிட்டாரிஸ்ட்களில் தொடங்கி, ப்ளூஸ், ப்ளூகிராஸ், அப்புறம் 'தெய்வம்' – கிளாப்டன், ஜிமி ஹெந்ரிக்ஸ், ஜெர்ரி கார்ஷியா, மார்க் நாஃப்ளர், அப்புறம் நம்ம ஊரு விஷ்வமோகன் பட், தேப்ஷிஷ் பட்டாச்சார்யா, அங்கேயிருந்து இழுத்து நம்ம ஊரு மாண்டலின் ஸ்ரீநிவாஸ், பிரசன்னா வரை நீண்ண்ண்ண்ண்டு போயிடுமேன்னு பயமா இருக்கு. இதுல எதை எழுத, எதை விட!
எனவேதான் பித்தளைகளில் தொடங்கியிருக்கிறேன். இதிலேயே இன்னும் நிறைய தெய்வங்கள் பாக்கியிருக்கிறார்கள்.
tenor sax-ல் புகழ் பெற்றிருந்த ஜான் கொல்த்ரெய்ன் கொஞ்சம் நாட்கள் Soprano sax-ஐ வைத்துக்கொண்டு அலைந்தார். இது அவருக்கு Sidney Bechet என்ற ஸோப்ரனோவின் மீதிருந்த அலாதி மதிப்பின் வெளிப்பாடு என்று சொல்வார்கள். பொதுவாக ஸோப்ரானோ-க்கு அவ்வளவாக மதிப்பு கிடையாது.
[8] சொன்னவரே! (இப்பொழுதெல்லாம் பெயரில்லை என்று எழுதக்கூட சோம்பலா
)
இந்த வரலாற்றுத் தொகுப்பின் சிலவற்றைத்தான் பார்த்திருக்கிறேன். இது பல்கலைக்கழகத்தில் வெளியே தராதா நூலகப்பகுதியில் இருக்கிறது (இசை ஆராய்ச்சி மாணவர்களுக்கானது. அங்கே பொக்கிஷங்கள் கொட்டிக் கிடக்கின்றன). பொது நூலகத்தில் பாதிக்குமேல் யாரோ சுட்டுக்கொண்டு போய்விட்டார்கள்.
மார்ஸலிஸ் குடும்பத்தைப்பற்றி நான் கும்பகோணத்தில் இருக்கும்பொழுது வாய்ஸ் ஆஃப் அமெரிக்கா ஒரு சிறிய புத்தகத்தை அனுப்பியிருந்தார்கள் (அப்பொழுது அவர்களைப் பற்றிய ஒரு தொடர் அங்கே ஒலிபரப்பானது. கேட்டதில் எதுவுமே இப்பொழுது நினைவிலில்லை). இங்கே எங்கள் உள்ளூர் ஜாஸ் எஃப் எம் காரருக்கு அவர் தெய்வம்.
நல்ல தொடர் வெங்கட். ஒரு பெரிய்ய்ய தொடராக நிதானமாகஎழுதுங்கள்.
ப்ரான்போர்ட் மார்சாலிஸ் + ஸ்டிங் – மறக்காமல் எழுதவும்.ஆனால் அது ராக்-ஓ.
அருள்
ஒவ்வொரு இசைக் கருவியின் சிறிய படத்தைப் போட்டால் இன்னும் நன்றாக இருக்கும்.
[10]இல்லை வெங்கட். அவர்தான் புள்ளி ராஜா (இந்தியாவில் AIDS விளம்பரம்)