Archive for November, 2005
கனேடிய அரசு நம்பிக்கையில்லாத் தீர்மானத்தில் தோல்வி
நேற்று முன்தினம் நடந்த நம்பிக்கையின்மை வாக்கெடுப்பில் கனேடிய லிபரல் அரசு தோல்வியைச் சந்தித்தது. இதன் மூலம் பாராளுமன்றம் கலைக்கப்பட்டு ஜனவரி 2006, 23 ஆம் தினத்தன்று பொதுத்தேர்தல் அறிவிக்கப்பட்டிருக்கிறது. இங்கே எத்தனை பேருக்குக் கனேடிய அரசியல் நிலையைத் தெரிந்துகொள்ள ஆர்வம் இருக்கும் என்று தெரியாத காரணத்தால் நான் இதைப்பற்றி எழுத முயற்சிக்கவில்லை. நேற்று பின்னூட்டத்தில் அலெக்ஸ் இது குறித்து என்னுடைய பார்வையை எதிர்பார்ப்பதாக எழுதியிருந்ததால்…
சென்ற பொதுத்தேர்தல் முடிவுகளைக் குறித்து நான் எழுதியிருந்த வலைப்பதிவை இங்கே [...]
ஹிந்துவின் சினிமா விமர்சனத் திருட்டு
நீனா என்ற (ஆங்கில) வலைப்பதிவர் தி ஹிந்துவில் கௌதமன் பாஸ்கரன் என்பவர் எழுதும் சினிமா விமர்சனங்கள் எப்படித் தொடர்ச்சியாக நியூ யார்க் டைம்ஸ் பதிப்பிலிருந்து திருட்டுத்தனமாக உருவப்பட்டிருக்கின்றன என்பதைப் பற்றி விபரமாக எழுதியிருக்கிறார்.
Alexander, Mona Lisa Smile, The Forgotten, Troy, Aviator போன்ற படங்களுக்கான விமர்சனங்களில் நி.யா.டைம்ஸின் விமர்சன வார்த்தைகள் எப்படி உருவிச் செருகப்பட்டிருக்கின்றன என்று விபரமாக எழுதியிருக்கிறார் நீனா.
பின் தொடரும் நவீனத்துவத்தின் குரல்
2001ல் பின் நவீனத்துவம் - ஜப்பானிய கழிவறைகளின் மீதான ஒரு ஆய்வு என்ற கட்டுரையை எழுதினேன். தொடர்ந்து சென்ற வருடம் அந்தக் கட்டுரையில் நான் எதிர்பார்த்திருந்ததைப் போலவே கழிவறைகளில் இணைய வசதி ஏற்படுத்தப்பட்டது.
பாக்டீரியாவால் எழுதப்பட்ட படம்
இன்றைய நியூ சயின்டிஸ்ட் சஞ்சிகையில் வெளியாகியிருக்கும் தகவலின் படி பாக்டீரியங்களைக் கொண்டு படம் எடுக்கப்பட்டிருக்கிறது. அடர்வாக செறிக்கப்பட்ட ஈ.கோலை என்ற பாக்டீரியத்தில் பறக்கும் ஸ்பகெட்டி ராட்சதன் (Flying Spaghetti Monster) ஒன்றின் படம் பதிவு செய்யப்பட்டிருக்கிறது. கலிஃபோர்னியா (சான் பிரான்ஸிஸ்கோ) பல்கலைக்கழகத்தின் கிரிஸ் வாய்ட் (Chris Voigt) குழுவினரின் இந்த முயற்சி அதிவேகமாக வளர்ந்துவரும் உயிரியல் அடிப்படையிலான நானோநுட்பத் துறையில் ஒரு குறிப்பிடத்தக்க சோதனை முடிவு என்று [...]
ஊழல் - இன்னொரு பலி : மஞ்சுநாத் சண்முகம்
இன்னொரு சத்யேந்திர தூபே. மஞ்சுநாத் சண்முகத்தின் உடல் 20ம் தேதியன்று லக்னோவுக்கு அருகில் சீதாப்பூர் மாவட்டத்தில் கண்டுபிடிக்கப்பட்டது. அதைச் சுமந்து சென்ற கார் சுலக்ஷ்ண் மித்தல் என்ற பெட்ரோல் விற்பனை நிலையத்தின் உரிமையாளர் மகனுடையது. கொல்லப்படுவதற்கு சில நாட்கள் முன்னதாகத்தான் இந்தியன் ஆயில் கார்ப்பரேஷனின் வர்த்தக மேலாளரான மஞ்சு நாதன் என்றழைக்கப்படும் மஞ்சுநாத் சண்முகம் முறைகேடுகளின் காரணமாக மித்தலின் பெட்ரோல் பங்கை இழுத்து மூட உத்தரவிட்டிருந்தார்.
தன்னுடைய [...]
தில்லி சட்டசபை உறுப்பினர்களுக்கு சம்பள இரட்டிப்பு
இன்றைக்கு படித்த தி ஹிந்துவின் இந்தச் செய்தி ஆச்சரியத்தைத் தருகிறது. தில்லி சட்டசபை உறுப்பினர்களுக்கும், மந்திரிகளுக்கும் சம்பளம் இரட்டிக்கப்படுகிறதாம். முதலமைச்சருக்கு மாதம் அரை இலட்சம் சம்பளமாகக் கொடுக்கப்படவிருக்கிறது (கட்டாயம் இவர்களுக்கு இலவசக் குடியிருப்பு, வாகன வசதி, இவையெல்லாம் சட்டபூர்வமாகவும், தினசரி சமையலுக்குக் கத்தரிக்காயிலிருந்து இரவு விருந்துக்கு சாராயம் வரை திருட்டுத்தனமாகவும் இலவசமாகக் கிடைக்கும்). என்ன ஒரு விரயம்!!
நானறிந்த வகையில் எந்த ஒரு ப்தவியிலும் சம்பளம் ஒரே தவணையில் இரட்டிக்கப்படுவதில்லை. (பல நிறுவனங்களின் [...]
வேதிஆயுதங்களும் அமெரிக்காவும் - சாத்தான் ஓதும் வேதம்
ஈராக்கின் மீது போர் தொடுக்கச் சென்ற பொழுது அமெரிக்கா உலகிற்குக் கூறியது - “சதாம் ஹுசேன் ஈராக்கியர்கள் மீது அணு ஆயுதங்களையோ வேதி-ஆயுதங்களையோ பயன்படுத்தக் கூடும். இந்தப் பேரழிவிலிருந்து ஈராக்கிய மக்களைக் காப்பதற்காகத்தான் நாம் அதன் மீது போர் தொடுக்கிறோம்”. சதாம் ஹுசேன் குவித்துவைத்திருப்பதாகச் சொல்லப்பட்ட பேரழிவு ஆயுதங்களைத் தோண்டியெடுக்க என்று சொல்லிக் கொண்டு சென்ற அமெரிக்காவால் இன்றுவரை சொல்லிக்கொள்ளும்படியாக எந்த ஒரு ஆயுதத்தையும் கண்டுபிடிக்க முடியவில்லை. ஆனால் நிலைமை இப்பொழுது முற்றிலும் மாறாகத் [...]
கே.ஆர். நாராயணன் - காந்தி உரையாடல்
காலமான முன்னாள் குடியரசுத் தலைவர் கே.ஆர்.நாராயணணைப் பற்றிய விரிவான குறிப்புகளும் அஞ்சலிகளும் வந்திருக்கின்றன. தமிழ் வலைப்பதிவுகளில் பத்ரி அவரைப் பற்றி எழுதியிருக்கிறார்.
திரு. நாராயணனுக்கு என்னுடைய அஞ்சலியாக டைம்ஸ் ஆஃப் இந்தியாவிற்காக அவர் காந்தியைக் கண்ட பேட்டியின் ஒரு பகுதியைத் தமிழாக்கப்படுத்தித் தருகிறேன். டாட்டா மானிய உதவியைப் பெற்று லண்டன் ஸ்கூல் ஆஃப் எக்கனாமிக்ஸ்க்குச் செல்லவிருந்த கே.ஆர். நாராயணனிடம் குளிரைத் தாங்கக்கூடிய உடைகள் [...]
பொருளாதாரச் சுதந்திரம் :: தமிழகம் முதலிடத்தில்
பிஸினஸ் ஸ்டாண்டார்டின் இந்தக் கட்டுரை பொருளாதாரச் சுதந்திரத்தில் இந்திய மாநிலங்களுக்குள்ளே தமிழகத்தை முதலிடத்தில் வைக்கிறது.
மூன்று முக்கிய தலைப்புகளின் அடிப்படையில் இந்த் ஆய்வு செய்யப்பட்டிருக்கிறது.
அரசாங்கத்தின் அளவு - வருமானம், செலவு, மாநில உற்பத்தித்துறையில் அரசின் பங்கு, சக்தி உதவித் தொகை, அமைப்பு ரீதியான வேலைகளில் அரசின் பங்கு, …
சட்ட அமைப்புமுறையும் சொத்துரிமை பாதுகாப்பும் - திருடப்பட்ட சொத்துக்களின் மீட்டெடுப்பு, கொடுங்குற்றங்கள், பொருளாதாரக் குற்றங்கள், [...]
எளியவனுக்கு உபதேசம்
சென்ற வாரம் ஐரோப்பாவில் நடந்த உலக வர்த்தப் பேச்சுக்கள் முறிவடைந்ததை அடுத்து பிரஸில் நாட்டின் வெளியுறவுத் துறை அமைச்சர் முன்னேறிய நாடுகள் (அமெரிக்கா, ஐரோப்பா, ஜப்பான்) தங்கள் விவசாயிகளுக்கு வழங்கும் மானியத்தை நிறுத்தாதவரை வர்த்தக தாராளமயமாக்கல் பேச்சுக்கள் இம்மியளவும் நகராது என்று ஆணித்தரமாகக் கூறியிருக்கிறார். நேற்றைய நியூயார்க் டைம்ஸ் தலையங்கம் பிரஸில் நாட்டின் வெளியுறவுத்துறை அமைச்சரைப் பாராட்டியிருக்கிறது.
பொதுவில் அமெரிக்காவில் தற்பொழுது நிலவும் பிரெஞ்சு எதிர்ப்பை உள்ளார்ந்த நோக்கமாகக் கொண்டிருந்தாலும் நி.யா.டைம்ஸ் [...]
