Archive for October, 2005
க்ளீவ்லாண்ட் , சிகாகோ -காரார்கள் யாராவது இருக்கிறீர்களா?
அடுத்த வாரத்தில் மூன்று நாட்கள் ஒரு அமெரிக்க-கனேடிய சிறப்புக் குழு சந்திப்புக்காக ஒஹயோ மாநிலம் க்ளீவ்லாண்ட் செல்லவிருக்கிறேன். வேலைகளுக்கு இடையில் நிறைய மாலை நேரம் வெட்டியாக இருப்பேன் என நினைக்கிறேன். யாராவது நண்பர்கள் இப்பகுதியில் (அல்லது அண்டை நகரங்களில்) இருந்தால் சந்திக்க விருப்பம். (ஒரு காலத்தில் நண்பர் செல்வராஜ் இங்கிருந்தார்).
அடுத்த மாதம் இரண்டு நாட்கள் இன்னொரு மாநாட்டிற்காக சிகாகோ பயணம் இருக்கிறது. இங்கும் யாராவது இருக்கிறீர்களா? அறியத் தரவும்.
தமிழ்த் திரையிசையில் ஜாஸ் வடிவம் – பதினொன்று
இந்தத் தொடரில் ஏ.ஆர். ரஹ்மானின் இருவர் படத்தைப் பற்றி ஏற்கனவே நிறைய எழுதியாகிவிட்டது. இருந்தாலும் இன்னொரு முக்கியமான பாடலை ஒதுக்கிவிட்டுச் சென்றால் தொடர் எந்த வகையிலும் முழுமையடையாது.
பாடல் : வெண்ணிலா, வெண்ணிலா
படம் : இருவர்
பாடியவர் :ஆஷா போன்ஸ்லே
பாடலாசிரியர் : வைரமுத்து
இசை: ஏ.ஆர். ரஹ்மான்
[Audio clip: view full post to listen]
டொராண்டோவில் சுந்தர ராமசாமி நினைவாஞ்சலிக் கூட்டம்
மதிப்புக்குரிய எழுத்தாளர் திரு சுந்தர ராமசாமி கடந்த வெள்ளிக்கிழமை, 14 ஒக்டோபர் 05 அன்று அமெரிக்க மருத்துவமனை ஒன்றில் பசிபிக் நேரம் பின்மதியம் 1.35 க்கு காலமானார்.
அவரை நினைவுகொள்ளும் முகமாக கனடா தமிழ் இலக்கியத் தோட்டம் ஏற்பாடு செய்திருக்கும் அஞ்சலிக் கூட்டம் வரும் ஞாயிறு அன்று நடைபெறும்.
இடம்: 2543, Pharmacy Avenue ( Finch/Pharmacy) – Near Daily Needs Supermarket.
தேதி: ஒக்டோபர் 23, 2005
நேரம்: மாலை 6.00 மணி
எழுத்தாளர்கள், வாசகர்கள், நண்பர்கள், அனுதாபிகள் அனைவரும் [...]
தமிழ்த் திரையிசையில் ஜாஸ் வடிவம் – பத்து
பாடல் : பூப்பூத்தது…
பாடியவர்கள்: ஷ்ரேயா கோஷால், சோனு நிகம்,
இசை: இளையராஜா
படம்: மும்பை எக்ஸ்பிரஸ் (2005)
[Audio clip: view full post to listen]
ஏ.ஆர். ரஹ்மானுக்கு ஜாஸ் இசை அடிப்படையில் இருவர் ஒரு மைல்கல் என்றால் இளையராஜாவுக்கு மும்பாய் எக்ஸ்பிரஸ். என்னுடைய கணிப்பில் சமீபத்திய இளையராஜாவின் இசைகளில் ஹே ராம்-க்கு அடுத்தபடியாக மிகவும் சிக்கலான இசையைக் கொண்டது மும்பாய் எக்ஸ்பிரஸ்தான். சென்ற வருடம் வரை என்னுடைய [...]
அஞ்சலி : சுந்தர ராமசாமி (1931-2005)
சுந்தர ராமசாமியை நான் முதலில் வாசித்தது க்ரியாவின் வெளியீடாக வந்த “சுந்தர ராமசாமி சிறுகதைகள்” புத்தகத்தின் வாயிலாகத்தான். அதற்கு முன் இந்தப் பெயரை கேள்விப்பட்டவனல்லன். எதேச்சையாகக் கையில் கிடைத்தது இந்த நூல். இதிலிருந்த சிறுகதைகள் பல வித்தியாசமாக இருந்தன. பெரிதான அலங்கார ஜோடனைகள் இல்லாத ஆனால் அதே சமயத்தில் அதி துல்லியமான எழுத்து நடை என்னைக் கவர்ந்திழுத்தது. அந்தக் காலங்களில் நான் பல முன்னணி [...]
பரபரப்பு அறிவியல்
நேற்றைய வேதியியல் அறிவிப்பை ஒட்டி இன்று காலை செய்தித்தாட்களில் வந்திருந்த செய்தி எனக்கு வியப்பும் எரிச்சலும் கொடுத்தது. அல்ஸைமர், புற்றுநோய், மூட்டுவலி, தொடங்கி களைக்கொல்லி, ம்ருந்து, இன்னும் துணிக்கடை பை தயாரிப்பு என்று இனிமேல் எல்லாமே இதுதான் என்பதுபோல செய்திகள் சொல்லுகின்றன. சாயிபாபா கையிலிருந்து வரும் விபூதி, காஞ்சி சங்கராச்சாரியார் கமண்டல்த்திலிருந்து வரும் தீர்த்தம், போப்பாண்டவர் கொடுக்கும் வைன் இவற்றைப் போல இடமாற்ற வினையை சர்வரோக நிவாரணியாகக் காட்டியிருப்பது [...]
வேதியியல் நோபெல் – ஈவ் ஷோவென் நேரில் பரிசு பெறப்போவதில்லை
சற்று நேரம் முன்னர் இன்று அறிவிக்கப்பட்ட வேதியியல் நோபெல் பரிசு பற்றி எழுதியிருந்தேன். இப்பொழுது படித்த ஒரு செய்தியின் படி (மூலம் ஜெர்மன் மொழியில், இதன் ஆல்டா விஸ்டா ஆங்கில மொழியாக்கம் இங்கே . படிப்பவர்களுக்கு இயந்திர மொழிபெயர்ப்பின் தமாசுகள் மேலதிக போனஸ்) பரிசைப் பகிர்ந்துகொள்ளும் பிரெஞ்சு விஞ்ஞானி ஈவ் ஷோவென்.
இந்த வருடத்திய நோபெல் பரிசு இடமாற்ற வினை என்ற கருத்தாக்கத்திற்காக பிரான்ஸைச் சேர்ந்த ஈவ் ஷோவெனுக்கும் அதை ஆய்வகத்தில் செயல்படுத்தியமைக்காக [...]
நோபெல் பரிசு 2005 : வேதியியல்
அடுத்தபடியாக வேதியியல் நோபல் பரிசும் இப்பொழுது அறிவிக்கப்பட்டிருக்கிறது. பிரான்ஸைச் சேர்ந்த யூவே ஷாவன் ஈவ் ஷோவென் (Yuves Chauvin), கால்டெக் (கலிபோர்னியா)-வைச் சேர்ந்த ராபர்ட் க்ரப்ஸ் (Robert Grubbs) மற்றும் எம்.ஐ.டி-யைச் சேர்ந்த ரிச்சர்ட் ஷ்ராக் (Richard Schrock) மூவரும் பரிசைச் சமமாகப் பகிர்ந்துகொள்கிறார்கள்.
இவர்களுடைய கண்டுபிடிப்பு வேதிப்பொருள்கள் (குறிப்பாக கரிம வேதிப்பொருட்கள்) தயாரிப்பு முறையையே அடிப்படையில் மாற்றியமைத்திருக்கிறது. உங்களுக்குத் தெரிந்திருக்கும் உலகில் இருக்கும் வேதிப்பொருள்களில் பெரும்பாலானவை கரிமப் பொருட்கள். இதற்குக் காரணம் [...]
2005 இயற்பியல் நோபெல் பரிசு
2005 இயற்பியல் ஆண்டாகக் கொண்டாடப்பட்டு வருகிறது. எனவே, கடந்த சில வருடங்களைக் காட்டிலும் இந்த வருடத்திய நோபெல் பரிசுகள் மிகுந்த ஆவலுடன் எதிர்பார்க்கப்பட்டன. ஒரு வகையில் இயற்பியலுக்குள்ளே இருக்கும் துறைகளின் முக்கியத்துவத்தை – இன்றைய இயற்பியலின் அதிமுக்கிய துறையை, இயற்பியலின் எதிர்காலம் என்று கணிக்கப்படப் போகின்ற ஒரு துறையைச் சேர்ந்தவருக்குத்தான் இந்த சரித்திர முக்கியத்துவம் வாய்ந்த வருடத்தில் பரிசளிக்கப்படும் என்று பெரிதும் நம்பப்பட்டது. இன்று இந்தப் பரிசுகள் அறிவிக்கப்பட்டிருக்கின்றன. [...]
தமிழ்த் திரையிசையில் ஜாஸ் வடிவம் – ஒன்பது
பீ-பாப் (Bebop) பற்றி கடந்த அத்தியாயங்களில் எழுதியிருந்தேன். ஸ்விங் அமைப்பிலான ஜாஸை எப்படி பீபாப் சிக்கலான அடுத்த கட்டத்திற்கு எடுத்துச் சென்றது என்று பார்த்தோம். சார்லி பார்க்கர், டிஸ்ஸி கில்லெஸ்பி, தெலோனியஸ் மாங்க் மிகத் திறமை மிக்க கலைஞர்கள் சிக்கலான சுருதிக்கோர்வைகளின் அடிப்படையில், சற்றும் எதிர்பாராத திருப்பங்களுடன் அமைத்த வடிவம் பீ-பாப். பீ-பாப் பைப் புரிந்துகொள்வது, ரசிப்பது மிகவும் கஷ்டம். வேறுவார்த்தைகளில் சொல்லப்போனால் பீ-பாப் கலைஞர்களுக்கான இசை, [...]
