ராபர்ட் மோக் சென்ற ஞாயிறன்று (21.ஆகஸ்ட் 2005) காலமானார். இங்கே பலரும் இந்தப் பெயரை முதல் முறையாக இப்பொழுதுதான் கேட்கக் கூடும். டாக்டர் ராபர்ட் மோக் (Robert Moog, இந்தப் பெயரை Vogue என்பதுபோல உச்சரிக்க வேண்டும்). நவீன இசைக்கருவிகளின் உலகில் மோக்-கிற்கு அதிமுக்கிய இடமுண்டு. சிறுவயதிலிருந்தே இசைக்கருவிகளில் நாட்டம் கொண்டிருந்தவர் மோக் – இசையின் காரணமாக அல்ல, ஒலிகளை உற்பத்தி செய்யும் கருவிகள் என்ற அடிப்படையில். இவருடைய ஆரம்பகாலங்களில் தேராமின் (theremin) என்ற கருவியின்மீது நாட்டம் [...]

சமீபத்தில் கலிஃபோர்னியா இர்வைன் பல்கலைக்கழகத்தில் வெளியிடப்பட்ட அறிக்கை மருத்துவ, லேசர், கணினி உலகில் சமீபத்தில் நடந்த முக்கிய முன்னேற்றங்களில் ஒன்று. இர்வைன், தெற்குக் கலிஃபோர்னியா, குவீன்ஸ்லாந்து (ஆஸ்திரேலியா) என்று மூன்று வேறு இடங்களில் மருத்துவர்களும் விஞ்ஞானிகளும் ஒன்றிணைந்து ஒரே சமயத்தில் இணையத்தின் வழியே லேசர் அறுவை ஒன்றை வெற்றிகரமாக நடத்தி முடித்திருக்கிறார்கள். தெற்குக் கலிஃபோர்னியாவில் இருந்த லேசர் நுண்ணோக்கியின் கட்டுப்பாடுகளை இணையத்தில் இணைக்கப்பட்ட கணினி வழியே இயக்கி செல்களில் கிட்டத்தட்ட் ஒரு மைக்ரான் விட்டமே உள்ள பல [...]

இலங்கை வெளிவிவகார அமைச்சர் லக்ஷ்மண் கதிர்காமர் சுட்டுக் கொல்லப்பட்டதாக பிபிஸி செய்தி வெளியிட்டிருக்கிறது. செய்தி் கொலைக்கான நோக்கம் என்னவென்று தெரியாவிட்டாலும் புலிகளின்மீது சந்தேகமிருப்பதாகத் தெரிவிக்கிறது. இது இலங்கையில் மெல்லிழையில் ஊசலாடிக்கொண்டிருக்கும் அமைதியை மிகவும் பாதிக்கலாம் என்பது கவலையைத் தருகிறது. ஏற்கனவே பாதுகாப்புப் படைகள் கொழும்புவில் சோதனையிடத் துவங்கிருக்கிறார்கள்.

அப்பாடா ஒருவழியா திரும்ப வந்து சேந்தாங்க. போன ஒரு வாரமா இவங்க என்ன செய்றாங்க அப்படீங்கறதவிட எப்ப, எப்படித் திரும்ப வரப்போறாங்கங்கறதுதான் கவலையா இருந்திச்சி. விமானிகளுக்குப் பாராட்டுகளும் வாழ்த்துகளும், நாஸா-வுக்கு?? – அடுத்த தடவையாவது (அப்படீன்னு ஒன்னு இருந்தா) பத்தெரமா, பாத்து செய்யுங்க.