தமிழ்ப்புத்தகத் தகவல் மையம் – விக்கியும் மேலும்
by வெங்கட் • June 29, 2005 • இலக்கியம் • 20 Comments
நேற்று இந்த விக்கி முயற்சியைப் பற்றி எழுதும்பொழுதே பத்ரி கேட்ட கேள்வியை யாராவது கேட்பார்கள் என்று நினைத்திருந்தேன். இதைப் பற்றி நேற்ற எழுதாத காரணம் டக்ளஸ் ஆடமின் கொள்கைதான் “முதலில் சாப்பிடலாமா வேண்டாமா என்று முடிவெடுக்க வேண்டும், பிறகு எங்கு சாப்பிடுவது என்று முடிவெடுக்கலாம், அப்புறம் என்ன சாப்பிடுவது என்று கவலைப்படலாம்”. எனவே, நான் நேற்று எப்படி சாப்பிடலாம் என்று எழுதவில்லை. இன்றைக்கு அது;
பல நாட்களாக இந்தத் திட்டத்தை ஒத்திப்போட்டு வரக்காரணம் இதை எப்படிச் செயல்படுத்தினால் திறம்பட வரும் என்று தெரியாததே. இங்கே என்னுடன் தொழில்நுட்பம் கதைக்க ஒருவரும் கிடையாது (இது டொராண்டோவின் பெரிய அவலம், இதுவே சான்பிரான்ஸிஸ்கோவாக இருந்தால் பத்து மென்கலன் தமிழர்களாவது கிடைப்பார்கள்). கொஞ்சம் நாட்களுக்கு முன்னால் இதுபோல தமிழ்த் திரையிசைப் பாடல்களுக்கான தரவுத்தளம் ஒன்று அமைக்க வேண்டும் என்று தூள் பாலாஜியிடம் எழுதியிருந்தேன். ஒன்று செய்தால் மற்றதற்கு எளிதில் வடிவமும் கருவிகளும் புலப்படும். பாலாஜியின் மென்கலன் திறமையில் நம்பிக்கை வைத்துத்தான் இதை திரையிசைப்பாடல்களுக்கு நகர்த்தினேன்
* * *
பத்ரி சொல்லியிருப்பதைப் போல விக்கியா அல்லது தரவுத்தளமா என்று பல நாட்களாக யோசித்ததை இங்கே உரக்கக் கூறுகிறேன்;
தரவுத்தளத்தின் நன்மைகள்
- ஒழுங்கமைக்கப்பட்ட வடிவம், ஆசிரியர் பெயர், பதிப்பகம், புத்தகப் பெயர் என்று வடிவாக சேமிக்கலாம். இதை எந்த வகையில் வேண்டுமானாலும் எடுத்துப் பயன்படுத்தலாம்.
- இது எந்தவிதமான புறக்கருவிகளுக்கும் அப்பாற்பட்டது. உடனடியாக பிஹெச்பி-யில் ஒரு சிறிய நிரலி எழுதி தமிழ்மணம் பதிவர்கள் பட்டியலைப் போலக் காட்டமுடியும். வருங்காலத்திற்கு சிவராஜ் சொன்னதைப்போல எக்ஸெம்மெல் மூலம் இதன் உபயோகத்தை நீட்டிக்க முடியும். வேண்டுபவர்களுக்காக மைக்ரோஸாப்ட் எக்ஸெல் அட்டவணையாக எளிதில் மாற்றிக் கொள்ள முடியும். (உதாரணமாக)
- பட்டியலை புத்தகப் பெயர், ஆசிரியர் பெயர், வருடம் என்று எப்படிவேண்டுமானாலும் ஏறுவரிசை, இறங்குவரிசையில் மாற்றி வெளியிடலாம்.
- மேய்வது எளிதாக இருக்கும். தேடுவது மிக மிக எளிது
விக்கியின் குறைபாடுகள்
- ஒழுங்கற்ற வடிவம். புத்தக, ஆசிரியர் விபரங்கள் இவற்றில் ஒழுங்கில்லாமல் சேகரிக்கப்படுகின்றன.
- புத்தகத்தின் தலைப்பின்கீழ் ஆசிரியரைப் பற்றி ஒரு வரி எழுதவேண்டும். பிறகு ஆசிரியரின் பெயரின்கீழ் அந்தப் புத்தகத்தை நாமாகக் குறிப்பிட்டாக வேண்டும். இது இரட்டை வேலை
- இது விக்கிக்குள் மாத்திரம்தான் செயல்படும். எக்ஸெல் அட்டவணையாக வேண்டினால் எடுப்பது கடினம்
- பட்டியலிடுவது கடினம்
விக்கியின் நன்மைகள்
- அதிக நுட்பம் தேவையில்லை. பெரும்பாலான கருவிகள் எளிதில் கிடைக்கின்றன
- புதிதாகப் பங்களிக்க வருபவர்களுக்கு விக்கி கற்றுக் கொள்வது மிக, மிக எளிது
- அட்டவணையை விட்டுவிட்டால் மற்றெல்லா உபயோகங்களும் சாத்தியமே. இதில் தரவுத்தளத்தில் முடியாத பல விஷயங்கள் சாத்தியம். உதாரணமாக, ஆசிரியரைப் பற்றிய நீண்ட குறிப்பு, புத்தக மேலட்டையின் படம்,… (இதெல்லாம் தரவுத்தளத்திலும் சாத்தியம் என்றாலும் மிக மிகச் சிக்கலானது
- தரவுத்தளத்தில் அனுமதிச் சிக்கல்கள் இருக்கின்றன. யாராவது சிலர் முழுப்பொறுப்பு எடுத்துக் கொண்டாக வேண்டும். இப்படிக் குறைந்த பட்சம் பத்து நிர்வாகிகளாவது (ஓரளவுக்கு தரவுத்தள அமைப்பில் பரிச்சயம் தேவை) கிடைக்கவில்லை என்றால் இது துவக்க சடத்துவத்தைத் தாண்டிவருவது கஷ்டம்
- தரவுத்தளத்தை எழுதி துவக்கப் பல நாட்களாகும். நான் இணையம் முழுவதும் சல்லடை போட்டுத் தேடிவிட்டேன். இதற்கான முன்னுதாரண தரவுத்தளம் திற்மூலமாக எங்கும் கிடைப்பதாகத் தெரியவில்லை. (பல இருக்கின்றன ஆனால் இவையெல்லாம் சிக்கலான்வை, தமிழுக்கு நேரடியாக ஏற்றவையல்ல, மாற்றியமைக்கச் செலவிடும் நேரத்தில் புதிதாக எழுதலாம்)
- புதிதாக எழுதலாம் என்றால் தமிழில் இதற்கு நம்பிக்கையில்லை. பொதுவில் இந்தியர்கள் (இதை சகோதரத் தமிழர்களையும் சேர்த்து என்று படிக்கவும்) எந்தவிதமான ஆதார மென்கலன் திட்டங்களிலும் ஈடுபடுவதில்லை. உருப்படியாக ஒரு திறமூலத் திட்டம் கூட இந்தியர்களிடம் கிடையாது. எனவே தரையிலிருந்து ஆரம்பித்துப் புதிதாகக் கட்டியெழுப்புவதைப் பற்றி எனக்குப் பலத்த கவலை இருக்கிறது. (இதைச் செய்யும் அளவிற்கு எனக்கு மென்கலன் அறிவு கிடையாது. ஆனால் இதில் என்னென்ன தேவை, எப்படிச் செய்யலாம் என்று சொல்லும் திறமை ஓரளவுக்கு இருப்பதாக நம்புகிறேன்).
கூட்டிக் கழித்துப் பார்த்தால் நாளைக்கு எழும்பும் கோபுரமாக தமிழ்ப் புத்தகத் தரவுத்தளத்தைப் பற்றிக் கனவு கண்டு கொண்டிருப்பதைவிட இன்றைக்கு ஒரு விக்கி குடிசை கட்டலாம் என்று தோன்றுகிறது. இந்த இரட்டைக் கனவில் சில நன்மைகளும் இருக்கின்றன.
விக்கியும் தரவுத்தளமும் ஒன்றுக்கொன்று விலக்கானவை அல்ல, இவை ஒன்றையொன்று சார்ந்திருக்கமுடியும். உதாரணமாக இன்றைக்கு விக்கியில் நிறைய தகவல்களைப் போட்டுவைத்துவிட்டு நாளை ஒரு தரவுத்தளத்தை எழுப்ப இதையே பயன்படுத்திக் கொள்ள முடியும். இதற்கு ஏற்ற வகையில்தான் நான் இப்பொழுதைய விக்கியை வடிவமைத்திருக்கிறேன். உதர்ரணமாக நாளை ஒரு சிறிய நிரலியை எழுதி விக்கிக்குள்ளே
ஆசிரியர் பெயர் | <-----> என்று வருவதை வெட்டி தரவுத்தளமாக மாற்ற முடியும். இதற்கு இப்பொழுதிலிருந்தே விக்கியில் ஒரு தீர்மானமான வடிவமுறையைப் பயன்படுத்தினால் போதும். நான் இப்பொழுது கிட்டத்தட்ட பத்து புத்தகங்களுக்கான தகவ்ல்களை உள்ளடக்கியிருக்கிறேன். இவை எல்லாமே ஒரே அட்டவணையைப் பயன்படுத்தி வெட்டி ஒட்டி, பின் மாற்றி எழுதியவைதான். இதையே தொடர்ந்து செய்துகொண்டிருந்தால் வருங்காலத்தில் எளிதாக ஒரு அற்புதமான தரவுத்தளத்தை இதிலிருந்தே எழுப்பமுடியும். தரவுத்தளம் அடிப்படைத் தகவல்களைத் தந்துவிட்டு புத்தகவிக்கியை மேலதிக விபரங்களுக்குச் சுட்டமுடியும். அதாவது விக்கியின் ஒரு பக்கம் தரவுத்தளத்தின் ஒரு தரவாக மாறமுடியும்.
இப்படியொரு நம்பிக்கை வந்தவுடன் நான் எந்த விக்கி என்று தேடினேன். அதில் இந்த எளிதான, சிக்கலற்ற டாக்குவிக்கி என்ற பொதியைத் தேர்ந்தெடுத்தேன். சிக்கலான மீடியாவிக்கி (விக்கிப்பீடியாவை இயக்கும் பொதி) இதற்குத் தேவையில்லை. நம் விபரங்கள் எல்லாமே வெற்று உரைவடிவில், அதிகபட்சமாக புத்தகத்தின் மேலட்டைக்குப் படம் போடும் வசதி தேவை. இதுவும் சாத்தியம். என்னுடைய குவாண்டம் கணினி புத்தகத்தின் மேலட்டையை உள்ளிட்டிருக்கிறேன்). இதைத் தாண்டிய அதிகச் சிக்கல்கள் இந்த விக்கிக்குத் தேவையில்லை. மென்கலன் உலகில் முக்கியக் கோட்பாடு “தேவையில்லாத அளவிற்கு மேல் சிக்கலைச் சேர்க்காதே”.
* * *
இது என்னுடைய உரத்த சிந்தனை. உங்கள் கருத்துக்கள் மிக, மிக முக்கியமானவை. பத்ரியின், ரவியின் பதிவில் இது தேவை என்று சொன்ன அனைவரையும் இந்த ஏற்பாட்டைப் பற்றிய குறைந்த பட்ச கருத்தையாவது எழுத வேண்டுகிறேன். (பிறரையும் எழுத அழைக்கிறேன் என்று சொல்லத் தேவையில்லை).
* * *
இது சரியாக வரும்பட்சத்தில் குறைந்தது நூறு வலைப்பதிவு நண்பர்கள் ஒரு நாளைக்கு ஒரு புத்தகம் வீதம் உள்ளீட்டால் (எனக்கு ஒரு புத்தகத் தகவலை எழுத மூன்று நிமிடங்கள் பிடிக்கின்றன). அடுத்த வாரத்தில் இதில் 700 புத்தகங்கள் பற்றிய தகவல் சேரும்.
கட்டாயமாக, ஈழநாதன், ராதாகிருஷ்ணன், செல்வராஜ், மதி, பத்ரி, சந்தோஷ்குரு, யக்ஞா, இப்படி ஏற்கனவே இதைப் பற்றி சிந்தித்து வைத்திருக்கும் நண்பர்கள் இதற்கு முன்வருவார்கள் என்று நம்புகிறேன். நாம் புத்தக மீமியில் எழுதிய நேரம்தான் இதற்குத் தேவை. ஒரு ஆயிரம் புத்தகம் சேர்ந்துவிட்டால் பின்னர் பதிப்பகங்களை அழைத்து உள்ளிடச் சொல்லலாம்.
விக்கிக்கு ஒரு கவர்ச்சி இருக்கிறது. நான் எழுதிய ஒரு பக்கம் விக்கிப்பீடியாவில் உலகம் முழுவதற்கும் தகவலைத் தருகிறது என்ற மனநிறைவுக்காகவே பலர் விக்கிப்பீடியாவில் எழுத முயற்சிக்கிறார்கள். இப்படி உலகிற்கு நான் இந்தப் புத்தகத்தைச் சொல்கிறேன் என்ற பெருமையை விக்கிப்பீடியா எளிதில் தரும். இது பெரும் உந்துசக்தியாக இருக்கும் என்று நம்புகிறேன்.
வெங்கட், எனக்குப் புத்தகங்களைப் பற்றி அதிகம் தெரியாது, ஆனால் மென்பொருள் பற்றி தெரியும். என் ஓய்வை நான் இதற்காக செலவிட முடியும்.
//ஆனால் இதில் என்னென்ன தேவை, எப்படிச் செய்யலாம் என்று சொல்லும் திறமை ஓரளவுக்கு இருப்பதாக நம்புகிறேன்//
என் http://www.weblogimages.com/v.p?uid=gsudharsan&pid=288887&sid=HZn81koWX3"“>தனி அஞ்சலிலோ அல்லது மற்றொரு பதிவிலோ விளக்கினால் வசதியாக இருக்கும்.
venkat i am more than ready to do the stuff we are discussing here (be it wiki or db-based). you can count on me. though i am an sw engr, i amn't too strong on much of the technicalities (esp. OSS). i am necessarily an MS technologies guy. but, i dont think the learning curve is big. why dont we do something like, get the wiki up properly as you said, set the ball rolling and simultaneously start work on a db based solution? please lay out your ideas and i am sure there are people to volunteer. it would be nice if the thamiz blogger community combines to come up with a nice workable solution that is of use to the society at large. and also, this would be a precedence for future projects that we can think of, and life would be a lot easier then. eagerly expecting your comments on this.
try http://obiblio.sourceforge.net/…
[1][2] சுதர்ஸன், சங்கர் – வருகிறேன். கொஞ்சம் விரிவாக ஒரு திட்டம் பற்றிய அமைப்புவடிவை எழுதத் தொடங்குகிறேன் (இதுவும் விக்கியில்தான்
)
நான் ஏற்கனவே சொன்னதுபோல the choices of wiki and database should not be mutually exclusive, they can be used as complementary to each other.
எனவே இப்போதைக்கு விக்கியைப் பற்றி சிந்திக்கலாம். இதை ஏன் பயன்படுத்தக்கூடாது என்று வலுவான கருத்து யாருக்காவது இருந்தால் உடனே எழுதவும்.
மற்ற்வர்கள் விக்கியில் உள்ளிடத் தொடங்கலாம்
)
ஒரு சில புத்தகங்களை இங்கே உள்ளிட ஆரம்பித்தேன். புத்தகத்தின் பெயர் பெரியதாக இருந்தால் ஏதோ சிக்கல் ஏற்படுகிறது. தமிழக வரலாறு – மக்களும் பண்பாடும் என்ற புத்தகத்தை பார்க்க.
விக்கியில் இன்னொரு சௌகரியம் – நம் வசதி போல பிரிவுகளை ஏற்படுத்திக் கொள்ளலாம். ஒரே புத்தகத்தை ஒன்றுக்கு மேற்பட்ட பிரிவுகளில் வகைப்படுத்துவது மிக எளிது. தரவு தளம் என்றால் இதனை கையாள்வதற்குள் தாவு தீர்ந்து விடும்.
[3] அனானிமஸ் – இது இன்னும் SourceForge -ல் இருக்கும் பல திட்டங்களைப்பார்த்தேன் ஒன்றையும் நேரடியாகப் பயன்படுத்த முடியாது. சிவராஜ் சொன்னதைப் போல எக்ஸெமெல் தேவை. அதுதான் வருங்காலத்திற்கு உத்தரவாதம்.
[5] சிவராஜ் – பார்த்தேன். தகவல் உள்ளிட்டால் சேமிக்க முடியவில்லை. தலைப்பில் மொத்த எழுத்துக்களின் எண்ணிக்கை சம்பந்தப்பட்டதா என்று பார்க்க வேண்டும்.
[3],[6] அட இன்னும் இதைப் பாருங்க. அனாமதேயம் அவர்கள் குடுத்த துப்பு கொண்டு தேடியது. XML, தரவுத்தளம் எல்லா மாதிரியும் இருக்கு. இப்பொதைக்கு விக்கி ஒன்னும் குறையில்லை. பெரியவர்கள் என்ன முடிவு செய்கிறீர்களோ அப்படியே செய்யலாம்.
வெங்கட், நீங்கள் சொல்லியிருப்பது சரியே. தனியாளாய்ச் செய்வதற்குத் தரவுதளமும், குமுகாயமாகச் செய்வதற்கு விக்கியும் பொருத்தமாய் இருக்கும். முதலில் விக்கியில் அமைத்துவிட்டு, பிறகு தரவுதளத்தில் இற்றைப் படுத்திக் கொள்ளலாம். நான் அதிகம் புத்தகங்கள் படிப்பதில்லை என்பதால் புத்தக விவரம் சேகரிக்க முடியாது. வேண்டுமானால் நுட்ப விதயங்களில் உதவ முன்வருகிறேன்.
என்னுடைய தரவுதள முயற்சியைப் பார்த்திருப்பீர்கள் என்று நினைக்கிறேன். கிட்டத்தட்ட நீங்கள் சொன்னதையெல்லாம் செய்ய எண்ணம் இருந்தது. ஆனால் நானாக இதையெல்லாம் ஒரு பொழுதுபோக்காகச் செய்துகொண்டிருப்பேனே தவிர உருப்படியாய் விரைவில் வெளிவந்திருக்காது. அதை விட்டுக் கூட்டுவேலை செய்வது நல்லதே.
விக்கியில் டொக்குவிக்கி சிறப்பானதே என்று என்னுடைய ஆய்விலும் உணர்ந்திருக்கிறேன்.
Venkat,
as of now we can continue update books info thru the wiki. Later point of time we can develop a tool to convert the data from wiki to a db/xml or in any other format. I dont read much books. but i can help in new app development or data extraction from wiki.
The links given in the comments are not working properly. may be your blogging software changes that. can you check this.
இணையத்தில் தமிழ் எழுத்தாளர்கள் எழுதிய புத்தகங்களைப் பற்றி தகவல்கள் மிக அவசியமானது. பல வருடங்களுக்கு முன்பு படித்த "வெள்ளை காக்கைகள்" மிகவும் பிடித்தப் போன நாவல்களில் ஒன்று. ஆனால் படித்ததை பகிர்ந்துக் கொள்ள யாரும் இல்லாததால், எழுதியது யார் என்றே தெரியாமல் இருந்தது. சமீப காலங்களில் இணைய தமிழ் ஆர்வலர்களின் படைப்புகளில் எழுத்தாளர்கள் பற்றிய விவரமும் தெரிய ஆரம்பித்தது.
பொதுவாய் நாவலை பற்றி, பெயர், கிடைக்கும் இடம் இத்தியாதிகள் என்றால் ஓ.கே.
நேற்று கையில் கிடைத்தது அவரே – கண்ணன் மகேஷ் எழுதிய "கிருதயுகம் எழுக!". படிக்க, படிக்க இதைப் பற்றி வலைப்பதிவில் எழுத வேண்டும் என்ற ஆவலை தூண்டிக் கொண்டு இருக்கிறது. வெங்கட், மதிப்புரை எல்லாம் எனக்கு எழுத தெரியாது. அது வம்பு பிடிச்ச வேலையும் கூட
எனக்கு மிகவும் பிடித்த தளம் IMDB. அதை நாம் மாதிரியாக வைத்துக்கொண்டு – அதாவது வெளிக்காட்சியில் – செயல்பட்டால் நன்றாக இருக்கும்.
ஆதாரத்துடன் தரக்கூடிய தகவல்கள் vs தனிநபரின் சொந்தக் கருத்துகள் – இதில் பிரச்னை வரக்கூடும் என்பதை நாம் கவனத்தில் வைத்திருக்கவேண்டும். விக்கி திட்டம் அடிதடியில் முடிந்து ஒவ்வொரு நாளும் ஒருவர் ஒரு குறிப்பிட்ட புத்தகத்தின் விமர்சனத்தை மாற்றி மாற்றி எழுதுமாறு நிகழ்ந்துவிடக்கூடாது. அதே நேரம் மாற்றுக்கருத்துகளும் வருமாறு இருக்கவேண்டும்.
Your blog is now aligned perfectly in IE
வெங்கட்: ராதாகிருஷ்ணன் என்று நினைக்கிறேன்… பல பதிப்பகங்களின் பெயர்களைச் சேர்த்துள்ளார். கிழக்கு புத்தகங்கள் அனைத்தையும் இன்று சேர்க்க ஏற்பாடு செய்கிறேன். அத்துடன் புத்தக ஆசிரியர்கள் பற்றிய விவரங்களையும் சேர்க்க முயற்சி செய்கிறேன். புத்தக அட்டைப்படங்களை எப்படிச் சேர்ப்பது என்று சொல்லவேண்டுமே? png ஆகத்தான் வேண்டுமா? jpg ஆக இருக்கலாமா? எப்படி உங்கள் தளத்துக்கு படங்களை அனுப்புவது என்று சொன்னால் அதையும் செய்து விளையாடிப்பார்க்கலாம்…
ஒரு ஆசிரியர் எழுதிய அனைத்துப் புத்தகங்களும் தானாகவே அவரது பக்கத்தில் வருமாறு செய்யமுடியுமா அல்லது நாம்தான் அந்த ஆசிரியர் பக்கத்தில் அவர் எழுதிய அனைத்துப் புத்தகங்களும் வருமாறு செய்யவேண்டுமா?
[8] யக்ஞா – இதுவும் இன்னும் நேரடியாகப் பயன்படுத்தத் தயாரில்லை. இது ஒருவகையில் தரநிர்ணயம் போல இருக்கிறது – கருவியாக இல்லை.
[9] செல்வராஜ் – விரைவில் தரவுத்தளம் எப்படியிருக்க வேண்டும் என்று என் மனதில் தோன்றியவற்றை எழுதுகிறேன். (project proposal) அதை நீங்கள் எல்லோருமாகத் திருத்தியபிறகு ஒரு வடிவத்தை அமைத்துக் கொண்டு அங்கிருந்து துவங்கலாம்.
[10] ஆமாம் சரவணன் – கருத்துக்களில் இணைப்புகள் குழம்புகின்றன. சரி செய்ய முயற்சிக்கிறேன். ஆனால் இது நேரடித் திருத்தமில்லை. என் பொதியில் கருத்துக்கள் ஒரு பொருத்தியினால் கட்டுப்படுத்தப்படுகின்றன.
[12] பத்ரி – நான் விக்கியில் எழுதியிருப்பதைப் பார்த்தால் புலப்படும் – முதல் பகுதி – அட்டவணை. எந்தவித சார்பும் இல்லாமல் வெறும் தகவல் தரும் தரவு. வருங்காலத்தின் தரவுத்தளத்திற்கான அடிப்படை.
இரண்டாவது 'மேலதிகத் தகவல்கள்' பகுதி – எந்தவித முன் வடிவமும் இல்லாமல் ஆசிரியரின் மின்னஞ்சல், நூல் விமர்சனம், போன்ற விபரங்களைச் சேர்க்கலாம். இதிலும் விமர்சனங்களை நேரடியாக நூல் தகவல் பக்கத்தில் சேர்க்காமல், வேறு பக்கத்தில் (விக்கியில்) சேர்த்துவிட்டு இங்கே இணைப்போ, அல்லது திண்ணை போன்ற தளங்களின் சுட்டியையோ சேர்க்கலாம். இந்த விக்கிக்காக விமர்சனம் எழுதவேண்டும் என்ற தேவையில்லை
[13] Raj, I am glad that IE improved at last, I did not do anything to my blog design lately. May be microsoft appointed someone to look into my blog and make IE suitable for that
[14] பத்ரி – கவனித்தேன். சந்தோஷமாக இருக்கிறது. இதுதான் விக்கியின் சக்தி. இப்போதைக்கு படங்களை மேலேற்றும் வசதியில்லை (அதாவது விக்கி எடிட்டர் உள்ளிருந்தே). நான் நேரடியாக என் வழங்கியில் SCP வழியாக படம் போட்டேன். இதில் பாதுகாப்பு சிக்கல் இருக்கிறது. விரைவில் இதற்கான வழியைக் கண்டுபிடிக்கிறேன்.
கிழக்குப் பதிப்பகத்தின் தகவல்களை உள்ளிடுங்கள். அதை உதாரணமாகக் காட்டி பிற பதிப்பாளர்களையும் வரவேற்போம்.