தீபாவளி குறித்த சுந்தரவடிவேல் வலைக்குறிப்பை நேற்று படித்தேன். அரக்கர்கள் உருவாகும் விதம் குறித்த அவரது பார்வை என்னுடன் பெரிதும் பொருந்திப்போகிறது. அதையே இன்னும் நீட்டித்துத் தேவர்கள் உருவாகும் விதமும் அப்படித்தான் என்று சொல்லமுடியும். ஆயர் குலத்தலைவன் கண்ணனும், குன்றுதோறும் இருக்கும் குமரனும் இப்படித்தான் உருவாகியிருக்க வேண்டும். இன்னும் நேரடியாகச் சொல்லப்போனால் நம் கண் முன்னே உருவெடுக்கும் தெய்வங்களையும் பார்க்க முடியும். உதாரணமாக, பெரியார், அண்ணா, எம்.ஜி.ஆர், காந்தி இவர்களுக்கு எழுப்பட்ட சமாதிகளும் மணிமண்டபங்களும் மரணத்திற்குப் பிறகு அவர்களைக் [...]

என்னுடைய வலைப்பக்கங்களை மீட்டுருவாக்கி வருகிறேன். தற்சமயம் பெரும்பாலான தமிழ்ப் பக்கங்கள் தயார். வரும் நாட்களில் என்னுடைய படைப்புகள் இன்னும் சிலவற்றை வலையேற்ற உத்தேசம். குவாண்டம் கணினி – அறிவியல் கட்டுரைத் தொகுப்பு புத்தகத்தின் மேலதிகத் தகவல்களுக்காக உருவான பக்கங்களும் மறு வலையேற்றம் பெற்றுள்ளன. இன்னும் சில நாட்களில் எல்லா கட்டுரைகளுக்கும் மேலதிகத் தகவல்களையும் கருத்தாடல் வசதியையும் செய்ய உத்தேசம். படைப்புகளைப் பற்றிய கருத்துகள், விமர்சனங்களை ஆவலுடன் எதிர்நோக்குகிறேன். படத்திலிருப்பது ? – ஆமாம் அவர்கள்தான்!

{ நான் பல நாட்களாக எழுதவேண்டும் என்று நினைத்திருந்த ஒரு கருத்தை அருள் இன்றைக்கு எழுதியிருக்கிறார். (ஹாஸ்டலில் சுற்றிச் சுற்றி நண்பர்களெல்லாம் பியர் மாந்திக்கொண்டிருக்க சற்றும் சளைக்காமல் ஒவ்வொரு பாட்டிலாகத் தோலுரிந்து அரையிருட்டில் கண்ணைக் குறுக்கிக் கொண்டு லேபலின் பின்புறம் எழுதியிருக்கும் பொடி வார்த்தைகளைப் படிக்கும் அருள் நினைவில் வந்துபோகிறார்). } ஜப்பானில் இருந்தபொழுது எனக்குத் தரப்பட்ட வீட்டில் தட்டுக்கு அடியில் போடும் பிளாஸ்டிக் மடக்குப்பாய் தொடங்கி அறைக்குளிரூட்டிவரை எல்லாம் கொடுத்திருந்தார்கள். என்னுடைய கனிஷ்ட புத்ரன் வருண் [...]

இரண்டு வருடங்கள் கழித்து மீளவாசித்ததில் ‘வேற்றாகி நின்ற வெளி’ என்ற ஈழக்கவிதைத் தொகுப்பில் மனதைக் கவர்ந்த சேரனின் கவிதை; கேள் எப்படிப் புணர்வது என்பதைப் பாம்புகளிடம். எப்படிப் புலர்வது என்பதை காலையிடம்.பொறுமை என்பது என்ன என்பதை மரங்களிடம். கனவுகளுக்கு வண்ணங்கள் உண்டா என்பதைத் தூக்கத்தில் நடப்பவர்களிடம். கண்ணீர்த்துளிகள் சிறைக்கூடங்களாக மாறியது எப்படி என்பதை அகதிகளிடம். பயம் என்பது என்ன என்பதை நடு இரவில் இந்த நகரில் நடக்க நேர்கிற கறுப்புத்தோல் மனிதர்களிடமும் பெண்களிடமும். மோகம் முப்பது நாள்கள்தானா [...]

ம்ம்.. அப்பாடா ஆறு மாத முழுநேரக் கூத்து நாளைக்கு உச்சகட்டத்தை எட்டப்போகிறது. நிலையில் உறுதியான அயோக்கியனா, தடுமாறும் அறிவாளியா என்று அமெரிக்க மக்கள் நாளை முடிவு செய்துவிடுவார்கள் (அல்லது, அவர்கள் சார்பில் திருவாளர் புஷ் முடிவு செய்வார்). இந்தக்கூத்தில் கனேடிய ஊடகங்கள் (வழக்கம்போல்) நிறைய பகடி செய்தன. இந்த நாட்களில் நான் வலையை விட்டு அஞ்ஞாதவாசம் இருந்ததால் கனேடியரல்லாதவர்களுக்கு அறியத் தரமுடியவில்லை. எனவே, முதலும் கடைசியுமாக, புஷ்-கெர்ரி விவாதத்தைப் பகடி செய்து கனேடியத் தொலைக்காட்சி வழங்கிய நிகழ்ச்சி. [...]