மந்தமாக, கறுப்பு-வெளுப்பில் இருந்துகொண்டிருக்கும் ஒரு கருவியின் மீது சோனி போன்ற புத்திசாலி நிறுவனத்தின் பார்வைபட்டால் என்னவாகும்? உயிர் வரும், வண்ணம் காட்டும், பாட்டுப் பாடும். ஆமாம், இதுவரை வழிமாத்திரமே காட்டிக்கொண்டிருந்த உலகளாவிய இடங்காணும் கருவி இப்பொழுது சோனியின் கைபட்டு புத்திசாலியாக மாறிப்போயிருக்கிறது. நேற்று ஜப்பானில் வெள்ளோட்டம் விடப்பட்ட சோனியின் நாவி வகை இடங்காணும் கருவிகளின் திறமையைப் படிக்க அற்புதமாக இருக்கிறது. பொதுவாக இடங்காணும் கருவியில் வரைபடங்களில் இருப்பதைப் போல கோடுகள்தான் தெரியும். லெக்ஸஸ் போன்ற கார்களில் பொருத்தப்பட்ட [...]

வெ.சா டொராண்டோ கலந்துரையாடலில் கேட்கப்பட்ட சில கேள்விகள் குறித்து. முதலில் பிரகாஷ் கேட்டிருந்தபடி கேள்வி -10; (கேள்விகளையும் பதில்களையும் நான் குறிப்பு எடுத்துக்கொண்டு எழுதவில்லை, என் நினைவிலிருப்பதை எழுத முயற்சிக்கிறேன். தவறுகளுக்கு நானே பொறுப்பு, மன்னிக்கவும்). 10. இன்றைய உலகில் ஆசிரியர் விருப்பம், வர்த்தக சாத்தியங்கள் என்பனவற்றைக் கடந்து ஆர்வமும் திறமையும் உள்ளவர்கள் நேரடியாகத் தங்களை வெளிப்படுத்திக்கொள்ள இணையத்தின் மூலமான சாத்தியங்கள் படைப்பிலக்கியத்தின் போக்கை எப்படிச் செலுத்திவருகின்றது என்பதைப் பற்றிய உங்கள் பார்வை என்ன? வெ.சா: ஆமாம். [...]

நேற்று மதியம் டொராண்டோ, ஸ்கார்பரோ நகர்மைய அரங்கில் கலை, இலக்கிய விமர்சகர் திரு வெங்கட் சாமிநாதன் அவர்களுடனான கலந்துரையாடலுக்குச் சென்றிருந்தேன். வரும் வியாழனன்று டொராண்டோ பல்கலைக்கழகத்தின் தெற்காசியப் பிரிவு வழங்கும் இந்த வருடத்து ‘இயல் விருதை’ வெ.சா பெற்றுக் கொள்ளவிருக்கிறார். அது தொடர்பாக வந்திருக்கும் அவருடன் காலம் சஞ்சிகையின் சார்பாக நேரடி கலந்துரையாடல் ஏற்பாடு செய்யப்பட்டிருந்தது. அத்துடன் கூட, தமிழ் இலக்கியப் புத்தகங்களின் விற்பனைக் கண்காட்சியும் இருந்தது. நிகழ்வுக்குச் சுமார் ஐம்பதிலிருந்து எழுபதுபேர் வந்திருந்தனர்.

சில நாட்களுக்கு முன்னால் தமிழகப் பள்ளிகளின் பாடத்திட்டம் இணையத்தில் வெளியிடப்பட்டிருப்பது குறித்து எழுதியிருந்தேன். இப்பொழுது மாற்றியமைக்கப்பட்ட +2 துறைகளைப் பற்றிய தகவல்களை வெளியிட்டிருக்கிறார்கள். மீண்டும், பாராட்டப்பட்ட வேண்டிய முயற்சி. * * * இந்த மாற்றியமைக்கப்பட்ட துறைகளைப் பற்றிய என்னுடைய கருத்துக்களைத் தொடர்ச்சியாக எழுத உத்தேசம். இதன் மேல் நடக்கும் விவாதங்கள், கருத்துக்கள் எல்லாவற்றையும் ஒட்டுமொத்தமாகத் தொகுத்துத் தமிழகப் பள்ளிக் கல்வி இயக்குநரகத்திற்கு அனுப்புவதாக உத்தேசம். முதலாவதாக, இந்த வருடத்திலிருந்து நீக்கப்பட்ட பாடங்களின் பட்டியல்;

இன்று ராய்ட்டர் நிறுவனத்தில் வெளியான செய்தியன்று நம்மிடம் இப்பொழுது பயனில் இருக்கும் கணினிகள் விரைவில் மரித்துப் போகும் என்று சொல்ல வருகிறது. இந்தச் சாவு செய்தியை நம்மிடம் சொல்வது சன் மைக்ரோஸிஸ்டம் நிறுவனம். அதனுடைய புதிய வர்த்தகத் திட்டத்தின் அடிப்படையில் அவர்களிடம் மென்கலன் வாங்குபவர்களுக்கு, கணினி சம்பந்தமான அவர்களுடைய சேவைகளுக்கு ஒப்பந்தம் செய்துகொள்பவர்களுக்கு, கணினி இலவசமாகத் தரப்படும் என்று சொல்கிறார்கள். இதே செய்தியை கொஞ்சம் நாட்களுக்கு முன்னால் மைக்ரோஸாப்ட் நிறுவனத் தலைவர் பில் கேட்ஸ் கூடச் சொன்னார். [...]