மூன்று வருடங்களாகப் பயமுறுத்திக்கொண்டிருந்த புலி வந்தேவிட்டது. கிட்டத்தட்ட ஆர்வங்களெல்லாம் இழந்துபோய் இன்னொரு இந்தியத் தோல்வியாக மூட்டைகட்டி மூடிவைத்துவிட்ட நேரத்தில் சிம்ப்யூட்டர் வந்திருக்கிறது. மூன்று வருடங்களுக்கு முன்னால் கைக்கணினி உலகில் நான்கே நிறுவனங்கள் (பாம், காஸியோ, ஹெச்பி, காம்பாக்) இருந்த காலத்தில் பெங்களூரிலிருந்து வெளியிடப்பட்ட சிம்ப்யூட்டரின் ஆரம்பகால அறிவிப்புகள் என்னுள் பல கனவுகளை உண்டாக்கியது என்னமோ உண்மைதான். நான் படித்த பெங்களூர் இந்திய அறிவியல் கழகத்தின் தயாரிப்பு, என் மனதிற்குப் பிடித்தபடி நம்மவர்கள், நமக்காக உருவாக்கிய திறமூலத் தொழில்நுட்பம் [...]

வீட்டில் வளர்ப்பு மிருகங்களை வைத்துக்கொள்வது காலம் காலமாக எல்லா சமூகங்களிலும் இருந்துவருகிறது. தற்கால வளர்ச்சியடைந்த சமூகக் (ஐரோப்பா, வடஅமெரிக்கா, குறிப்பாக) குடும்பங்களில் வளர்ப்புப் பிராணிகளின் இடம் மிகவும் முக்கியமானது. எனக்குத் தெரிந்து ஒரிரண்டு குடும்பங்களில் குழந்தைகளுக்குப் பதிலாக நாயையும், பூனையையும் வளர்த்து வருகிறார்கள். இதில் குறிப்பாக பிரெஞ்சு பேசும் என்னுடைய நண்பர் ஒருவர் குடும்பத்தில் அவருடைய நாய்க்குச் செலவிடும் பணம், நான் என்னுடைய குழந்தை ஒருவனுக்குச் செலவிடுவதைவிட அதிகம். சென்ற கோடையில் ஒரு முழுப்பயணிக்கான செலவில் அவருடைய [...]

“இதனால் சகலமானவர்களுக்கும் தெரிவிக்கப்படுவது என்னவென்றால், வருகின்ற அக்டோபர் மாதம், பதின்மூன்றாம் தேதி, வியாழக்கிழமை, கும்பகோணம் பிள்ளையார் கோவில் தெரு, டபீர் வட்டாரம், பாணாதுறை, மற்றும் சுற்றுப்பிரதேசத்தில் இருக்கும் நாய்கள் எல்லாம் வயதுக்கு வரவேண்டும், அடுத்த இரண்டு மணி நேரத்திற்குள் அதைப் பகிரங்கமாக மனிதர்களுக்கு நிரூபித்துக் காட்டவேண்டும்” என்று மீன் கொடித் தேரில் வரும் மன்மதராசா, பட்டுத்துணியில் எழுதிக் குஞ்சம்வைத்த கட்டையில் சுற்றி பூலோகத்திற்கு அனுப்புவார் என்று நினைக்கிறேன். எப்படித்தான் திடீரென அவ்வளவு நாய்கள் தங்களுடைய இனப்பெருக்க உச்சத்திற்கு [...]

மூவபிள்டைப் தனது 3வது வடிவத்தை விரைவில் வெளியிடவிருக்கிறது. இதற்குக் களப்பரிசோதனை நடத்த (ஆல்பா சோதனை) உலகெங்கிலுமிருந்து தேர்ந்தெடுக்கப்பட்ட நூறு வலைத்தளங்களில் என்னுடையதும் ஒன்று (என்னுடைய பரிசோதனைகள் யுனிகோட் சார்ந்தவை). இது ஒரு நல்ல அனுபவம். மூவபிள்டைப் குழு தொடர்ச்சியாக வலைக்குறிப்புத் தொழில்நுட்பத்தை முன்னெடுத்துச் செல்கிறது. என்னுடைய தளத்தின் தனிப்பகுதியில் இந்தச் சோதனையைத் தொடங்கவிருக்கிறேன்.

நேற்று கனடாவிற்கான அமெரிக்க தூதுவர் பால் செல்லூச்சி கனடா அமெரிக்காவின் “தீவிரவாதத்திற்கெதிரான போரில்” முனைப்புடன் சேர்ந்துகொள்ள வேண்டும் என்று மறு அழைப்பு விடுத்திருக்கிறார். இதற்குக் காரணமாக அவர் காட்டியிருப்பது சமீபத்தில் ஸ்பெயினில் நடந்த குண்டு வெடிப்புகளை. நேற்று ஸ்பெயினுக்கு நேர்ந்தது நாளை கனடாவிற்கு நேரலாம் என்று எச்சரித்திருக்கிறார். இதைத் தவிர்க்க கனடா அமெரிக்காவுடன் கைகோர்த்து இராக்-ஆப்கானிஸ்தான்-(நாளை அமெரிக்கா எங்கெல்லாம் குண்டுபோடுமோ அங்கெல்லாம்) போராட வேண்டுமாம். அபத்தத்தின் உச்ச எல்லையை செல்லூச்சி தொட்டிருக்கிறார். சென்றவருடம் புஷ் இளையர் பேரழிவு [...]