தங்கள் à®´-கணினி திட்டத்தைப்பற்றி சுஜாதா மீண்டும் ஆனந்தவிகடனில் பறைசாற்றியிருக்கிறார்.

அதில் ஒன்று தன்னிச்சையாகத் துவங்கிய à®´ கணினித் திட்டம். இதன் கீழ் லினக்ஸ் சார்ந்த மென்பொருளான கே.டி.இ. என்னும் மேல்மேஜை கணிப்பொறி சூழலை, ஓப்பன் சோர்ஸ் இலவச மென்பொருளாகக் கொடுக்கும் திட்டம் நிறைவு பெற்றது. ஆர்வமுள்ள பல மாணவ மாணவியர் கலந்துகொண்டு ஓப்பன் ஆ·à®ªà®¿à®¸à¯, கே.டி.இ. என்னும் மேல்மேஜை சூழல்களைத் தமிழில் கொண்டுவந்து விட்டனர்!

எம்.ஓ.பி. வைஷ்ணவா கல்லூரி மாணவியரும் லயோலா கல்லூரி மாணவர்களும் சில தனியார் வலர்களும் சேர்ந்து கூட்டு முயற்சி யாக, ஏறக்குறைய எண்பதாயிரம் சொற்றொடர்களைத் தமிழ்ப்படுத்தி வலையில் உலவவிட்டு உலகுக்கு அளித்து விட்டனர்.

இன்று ஆங்கிலமே தெரியாத ஒருவர் கணிப்பொறியைத் துவக்கி, முழுவதும் தமிழிலேயே மின்அஞ்சல் அனுப்ப முடியும். வலையில் உலவ முடியும். சொல் தொகுப்பு செய்து, தமிழில் கதை, கட்டுரைகள் எழுத முடியும்.

தமிழிலேயே தகவல் தளங்களை அணுக முடியும். படம் வரைய முடியும். படம் காட்ட முடியும். மைக்ரோசா·à®ªà¯à®Ÿà¯à®Ÿà®¾… யாரது? நாங்க லினக்ஸ§à®™à¯à®•!

யுழரு கணினிக் குழு இந்தத் தமிழ் மேஜை தளத்தைச் சென்னையில் ஒருநாள் கருத்தரங்கில் பிப்ரவரி முதல் வாரத்தில் தமிழுக்கு அர்ப்பணிக்கப் போகிறது. இதற்கு தமிழ் இணையப் பல்கலைக்கழகம் உதவி செய்தது.

சசிதர், சிவா, ஜெயராதா, லீனா சாந்தகுமார், சந்த்ரன் போன்ற வர்களின் ஆர்வத்திலும் கம்மியில்லை. நான் என்ன செய்தேன்?

என் ஜாதக ராசிப்படி, பின் கையைக் கட்டிக் கொண்டு எல்லாம் சரியா இருக்கா?ரு என்று கல்யாணச் சாப்பாட்டின்போது ஒருவர் விசாரிப் பாரே… அதுபோல், அந்த அழகான இளைஞர்களைச் சந்தித்து விசாரித்தேன்.

சில சிக்கலான ஆங்கிலச் சொற்களை எளிமையாகத் தமிழ்ப் படுத்தினேன். சொன்னேனே… இதனை இதனால் இவர் முடிக்கும் என்றாய்ந்து… அதனை அவர்கண் விட்டேன்!

பல முறை நேரடியாக எழுதியும், அவர்கள் குழுவினர் மூலமாகத் தெரியப்படுத்தியும் இன்னும் அவருக்கு ஒற்றை வரி முன்னோடிச் சாதனைகளைப் பற்றி எழுத மனது வரவில்லை. நான் மிகுந்த தயக்கத்தோடு எழுதிய அறிவுத் திருட்டு என்ற வார்த்தைமீது எனக்கு இப்பொழுது முழுமையாக நம்பிக்கை வரச் செய்திருக்கிறார்.

இது தமிழக மக்களின் வரிப்பணத்தில் நடத்தப்படும் திட்டம், தனியார் நிறுவனம் ஒன்றுக்கு அவர் செய்துகொடுக்கும் காரியமல்ல. இதில் பல தமிழக இளைஞர்கள் ஈடுபடுத்தப்பட்டிருக்கிறார்கள். அவர்கள் மாயையில் மூழ்கடிக்கப்படுகிறார்கள். பிறருடைய உழைப்பைத் தங்களுடையதாக உயர்த்திப் பிடித்துக்கொள்ளலாம் என்று தமிழ் நாட்டின் முக்கிய அறிவுஜீவிகளுள் ஒருவர் என்று அறியப்படுபவர் அந்த இளைஞர்களுக்குச் சொல்லித் தருகிறார்.

தொடர்ச்சியாகச் சுட்டிக் காட்டியும் ஒரு வார்த்தை எழுத மறுப்பதை என்ன சொல்ல முடியும்?

இரண்டே இரண்டு வார்த்தைகள்தான் மனதுக்குத் தோன்றுகிறது; அகங்காரம், சிறுமை.