0 Responses to வார்த்தை விளையாட்டு.

1. 

   ravi srinivas

   September 29, 2003 at 12:27 pm

   it is all part of bureacratic games btb have you seen dilbert the comic strip.
2. 

   -/.

   September 29, 2003 at 12:36 pm

   உங்கள் வார்த்தைவிளையாட்டின் மேலாளர் தொடர்பான ஆதங்கத்தை அப்படியே ஆமோதிக்கிறேன். ஆனால், வார்த்தை விளையாட்டுத் தொடர்பானதிலே கொஞ்சம் முரணுண்டு. நீங்கள் உள்ள சிக்கலை நகைச்சுவையாகச் சொல்லும் வகையிலே கொஞ்சம் “உயர்வுநவிற்சி” சேர்த்தே சிறுபத்திரிகைகளைப் பற்றிச் சொல்லியிருந்தாலும், அதற்கு முன்னாலே வருத்தம் கொண்டு எழுதியிருந்த குமுதத்தின் தமிழிற்கும் சிறுபத்திரிகைகளின் தமிழுக்குமான வித்தியாசத்தையும் நீங்கள் அவதானிக்காமலிருந்திருக்கமாட்டீர்கள். இதிலே குறிப்பிடவேண்டிய விடயமென்னவென்றால், குமுதம், விகடன் போன்ற “சூப்பர் மாஸ் மாகசீன்”களிலே சிறுபத்திரிகைகளிலே புழங்கும் சொற்களைப் பயன்படுத்த வேண்டிய தேவைகள் வருவதேயில்லை. விகடனுக்கும் குமுதத்துக்கும், “சூப்பர், தூள்,செமை, ஸைட், ஜோர், பலே, வர்ரே வாவ், யா, கலக்கல், டாப், அசத்தல், கலக்ஸ்” இந்த சொற்றொகுதியிலிருந்து எதேச்சையாகச் சொல்லெடுத்தமைத்த துணைச்சொற்றொகுதிகளே போதுமானது. இதற்கு, வரித் துட்டுக்கெழுதும் பிரபல்யமான எழுத்தாளர்களும் அவர்களின் பிடரிப்பிரகாசத்திலே ஒளிரும் அறுந்த வால்களும் கைத்தாளம். சிறுபத்திரிகைகளிலே ஆங்காங்கு நீங்கள் சொல்லும் அதீதப்படுத்தும் தன்மை இருக்கின்றதென்பதையும் ஒத்துக்கொள்கிறேன். ஆனால், அப்படியான சந்தர்ப்பங்கள் மட்டும் அவற்றினை முழுக்க நிராகரிக்க உதவா.
3. 

   -/.

   September 29, 2003 at 12:39 pm

   venkat, sorry if anything got posted twice. When I tried to send the comments, I thought it did not go through. Hence, I posted again. If you find the same message twice, please delete the raw version and this message. thanks. (

   with a hope I woun’t post this twice:-) ,
   
   -/.
4. 

   venkat

   October 1, 2003 at 4:37 pm

   செ.
   
   முழுமையாக ஒத்துக்கொள்கிறேன். இந்த வலைக்குறிப்பு முற்றிலும் நகைச்சுவைக்காக எழுதப்பட்டது. இது சிற்றிதழ்களின் பங்கைக் குறைத்து மதிப்பிட அல்ல.

   நல்ல மொழிப்பிரயோகத்தில் (அது தமிழாக இருந்தாலும் சரி; ஆங்கிலமானாலும் சரி) நம்பிக்கைக் கொண்டவன் நான். பல நேரங்களில் வார்த்தைகள் கிடைக்காமல் (அது தொன்னூறு சதவீதம் என்னுடைய திறனின்மையைத்தான் சுட்ட வேண்டும்) திண்டாடுகிறேன். சில சமயங்களில் பாலிமர், கார் என்பவை போன்று தமிழுக்கு அன்னியமில்லாத ஒலியோசை கொண்ட வார்த்தைகளை நேரடியாகக் கையாள்வதிலும் எனக்குத் தயக்கமில்லை (இலத்திரன் என்று ஒலிமாற்றத் தேவைகூட இல்லை).

   உங்கள் கருத்தையேதான் நானும் திரும்பச் சொல்லவேண்டும்; இன்றைய சூழலில் தமிழுக்கு நிறைய வார்த்தைகள் தேவைப்படுகின்றன. சிற்றிதழ்கள் அந்தக் குறையை ஓரளவிற்கேனும் நிவர்த்தி செய்கின்றன. சிற்றிதழ்களின் “வடிவ நேர்த்தி, பிரக்ஞாபூர்வம்” இவற்றையும் குப்பைகளின் ·à®ªà¯€à®²à®¿à®™à¯à®•à¯, கைஸ் அன்ட் கார்ள்ஸ் இவற்றையும் எந்தவிதத்திலும் சேர்த்துப் பார்க்கக் கூடாது.

   ஆமாம், நான்கு வருடங்களுக்கு முன்னால் agnost க்குத் தமிழ்ப்பதம் தேடினோமே, கிடைத்ததா?